Gudnius abaotem Jisas Kraes wea Jon hemi raetem 3:8 - Pijin Deuterocanon

⁸ Win hemi fri fo blou go long eni ples wea hemi laekem. Taem win hemi blou, yu save herem kam bat yu no save wea nao hemi kam o wea nao hemi go. An hemi olsem tu wetem eni man taem hemi bon moa long Holi Spirit.”

Pijin Bible

⁸ Win hemi fri fo blou go long eni ples wea hemi laekem. Taem win hemi blou, yu save herem kam bat yu no save wea nao hemi kam o wea nao hemi go. An hemi olsem tu wetem eni man taem hemi bon moa long Holi Spirit.”

Gudnius abaotem Jisas Kraes wea Jon hemi raetem 3:8 ပူးပေါင်းရင်းမြစ်များ

Sams 107:25

Taem hemi tok, strongfala win hemi stat fo blou nao, an hemi mekem si fo hemi raf fogud.

Sams 107:29

Hemi stopem strong win ya, an hemi mekem si ya fo kuaet moa.

Sams 135:7

Hemi mekem olketa klaod fo kamap long skae, an hemi mekem laetning fo kam wetem saekloun, an hemi mekem win fo blou kam long yumi long saet long not.

Eklesiastes 1:6

Win hemi blou go long saot, an hemi blou go long not. Hemi goraon olsem nomoa, go-go hemi kambaek moa falom sem rod wea hemi kamap long hem.

Esikiel 37:9

Den Yawe hemi tok moa olsem long mi, “Man blong graon. Yu mas talemaot disfala profesi go long win an talem hem dat mi Lod Yawe nao mi tok olsem: Win. Kamaot from evri saet, an blou go insaet long olketa bodi ya, mekem olketa laef moa.”

Gudnius abaotem Jisas Kraes wea Jon hemi raetem 1:13

Olketa i no bon kam olsem pikinini wea hemi bon long blad blong mami an dadi, bat God nao hemi mekem olketa fo kamap pikinini blong hem.

Gudnius abaotem Jisas Kraes wea Jon hemi raetem 3:7

?So waswe nao yu sapraes bikos mi talem long yu wea yufala evriwan i mas bon moa long mektu taem?

Gudnius abaotem Jisas Kraes wea Jon hemi raetem 3:9

Nikodimas hemi ask moa olsem, “?Hao nao diswan hemi save hapen?”

Aposol 2:2

Seknomoa, wanfala noes hemi kam long skae wea hemi here olsem strongfala win tumas, an noes ya hemi go kasem evriwea insaet long disfala haos wea olketa stap long hem.

Aposol 4:31

Taem olketa prea finis, disfala haos wea olketa hipap tugeta long hem ya, hemi seksek nao. An olketa evriwan olketa fulap long Holi Spirit, an bihaen ya, olketa gohed strong fo talemaot toktok blong God nao.

1 Korin 12:11

An disfala Holi Spirit ya nomoa hemi duim olketa samting ya falom hao hemi laekem. Hemi givim olketa deferen kaen spesol paoa ya long evriwan long yumi.

1 Korin 2:11

Man seleva nomoa hemi save long evrisamting wea hemi stap insaet long tingting blong hem. Long sem wei tu, Spirit blong God seleva nomoa hemi save long God nao.

1 Jon 2:29

Yufala save nao dat wei blong Kraes hemi barava stret. So eniwan hu wei blong hem hemi barava stret, hem nao hemi bon kam olsem pikinini blong God nao.