Gudnius abaotem Jisas Kraes wea Jon hemi raetem 19:40 - Pijin Deuterocanon

⁴⁰ Tufala man ya, tufala tekem go bodi blong Jisas an tufala paselem long olketa gudfala waet kaleko wetem tufala kaen insens ya. Diswan hemi falom kastom blong olketa Jiu fo mekredi long bodi blong man i dae bifoa olketa putum hem insaet long kev.

Pijin Bible

⁴⁰ Tufala man ya, tufala tekem go bodi blong Jisas an tufala paselem long olketa gudfala waet kaleko wetem tufala kaen insens ya. Diswan hemi falom kastom blong olketa Jiu fo mekredi long bodi blong man i dae bifoa olketa putum hem insaet long kev.

Gudnius abaotem Jisas Kraes wea Jon hemi raetem 19:40 ပူးပေါင်းရင်းမြစ်များ

Jenesis 50:2

Nao hemi kolem olketa man long Ijip wea olketa waka fo hem fo kam, an hemi talem olketa dat i savegud long wei fo wakem bodi blong man dae fo hemi no save roten, mekem olketa wakem bodi blong dadi blong hem ya olsem tu.

2 Kronikols 16:14

Olketa man fo redim bodi blong hem i tekem oel wetem olketa lif wea i garem gudfala smel, an putum long bodi blong hem, den olketa go berem hem long grev wea hemi mekem finis long Biktaon blong King Deved. An taem olketa berem hem finis, olketa mekem wanfala bikfala faea fo tinghae long hem.

Matiu 26:12

Disfala woman ya, taem hemi kapsaetem oel ya long bodi blong mi, hemi mekredi long mi fo taem wea bae olketa berem mi.

Gudnius abaotem Jisas Kraes wea Mak hemi raetem 14:8

Woman ya hemi duim gudfala samting ya, wea hemi kapsaetem oel long bodi blong mi fo mekem mi redi fo taem wea bae olketa berem mi.

Gudnius abaotem Jisas Kraes wea Luk hemi raetem 24:12

Bat Pita hemi getap, an hemi ran go long kev ya. Taem hemi kasem kev ya, hemi bendaon an hemi luk go insaet, an hemi lukim olketa kaleko nomoa i stap, bat hemi no lukim enisamting moa. So hemi lusim ples ya nomoa, an hemi sapraes tumas nao long olketa samting wea hemi hapen ya.

Gudnius abaotem Jisas Kraes wea Jon hemi raetem 11:44

!Seknomoa, man hu hemi dae finis ya hemi kamaot nao! Bat olketa kaleko, wea olketa paselem long olketa han an lek blong hem an raonem fes blong hem, olketa stap yet. So Jisas hemi talem olketa olsem, “Yufala tekemaot olketa kaleko ya, mekem hemi save wakabaot go.”

Gudnius abaotem Jisas Kraes wea Jon hemi raetem 12:7

An Jisas hemi tok olsem, “!Ei, yu no stopem woman ya! Hemi kipim disfala oel ya fo yusim long bodi blong mi long taem wea bae olketa berem mi ya.

Aposol 5:6

Nao olketa yangman i kam an olketa paselem bodi blong Ananaeas, an olketa karim hem go aotsaet an berem hem.