Gudnius abaotem Jisas Kraes wea Jon hemi raetem 19:38 - Pijin Deuterocanon

³⁸ Bihaen long diswan, Josef hu hemi wanfala man blong Arimetia, hemi kam fo askem Paelat fo bodi blong Jisas. Man ya, hemi wanfala man hu hemi falom Jisas tu ya, bat hemi no letem eniwan fo save long diswan, bikos hemi fraetem olketa bikman blong olketa Jiu. Paelat hemi letem Josef nomoa, so hemi go an tekem bodi blong Jisas nao.

Pijin Bible

³⁸ Bihaen long diswan, Josef hu hemi wanfala man blong Arimetia, hemi kam fo askem Paelat fo bodi blong Jisas. Man ya, hemi wanfala man hu hemi falom Jisas tu ya, bat hemi no letem eniwan fo save long diswan, bikos hemi fraetem olketa bikman blong olketa Jiu. Paelat hemi letem Josef nomoa, so hemi go an tekem bodi blong Jisas nao.

Gudnius abaotem Jisas Kraes wea Jon hemi raetem 19:38 ပူးပေါင်းရင်းမြစ်များ

Provebs 29:25

Fraetem man, bae yu trabol. Trastem Yawe, bae yu sef.

Gudnius abaotem Jisas Kraes wea Jon hemi raetem 12:42

Nomata olsem, plande long olketa bikman blong olketa Jiu nao olketa biliv long hem. Bat olketa no talemaot diswan long eniwan, bikos olketa fraet, nogud olketa Farasi i finisim olketa from preahaos.

Gudnius abaotem Jisas Kraes wea Jon hemi raetem 7:13

Bat no eniwan tokabaotem hem long klia ples ya, bikos olketa fraetem tumas olketa bikman.

Gudnius abaotem Jisas Kraes wea Jon hemi raetem 9:22

Nao mami an dadi blong man ya, tufala tok olsem bikos tufala fraetem olketa bikman ya. Olketa bikman ya, olketa wanmaen finis wea sapos eniwan hemi talem hemi biliv wea Jisas nao hemi disfala Mesaea ya, bae olketa finisim hem from olketa preahaos.

Aposol 13:29

Taem olketa bin duim evrisamting long Jisas olsem olketa profet i bin talem bifoa, olketa tekem bodi blong hem from kros, an olketa go berem hem insaet long wanfala kev.

Filipae 1:14

An bikos olketa Kristin long hia olketa save dat mi stap long prisin, plande long olketa i bin kamap strong moa long biliv blong olketa long Masta. An olketa no save fraet, bat olketa gohed strong fo talemaot toktok blong God.