Gudnius abaotem Jisas Kraes wea Jon hemi raetem 19:17 - Pijin Deuterocanon

¹⁷ Long taem ya, Jisas hemi karim kros blong hem seleva, an hemi go long wanfala ples wea olketa kolem “Bon blong hed blong man,” an long langguis long Hibru olketa kolem “Golgota.”

Pijin Bible

¹⁷ Long taem ya, Jisas hemi karim kros blong hem seleva, an hemi go long wanfala ples wea olketa kolem “Bon blong hed blong man,” an long langguis long Hibru olketa kolem “Golgota.”

Gudnius abaotem Jisas Kraes wea Jon hemi raetem 19:17 ပူးပေါင်းရင်းမြစ်များ

Jenesis 22:6

Ebraham hemi holem naef an faea, an hemi givim faeawud go long Aesak fo hemi karim, an tufala go nao.

1 Kings 21:13

Den tufala man fo mekem trabol i sidaon kolsap long hem an tok agensim hem long frant long olketa bikman. Olketa sei wea hemi bin toknogud long God, an long king tu. Den olketa tekem hem go aotsaet from taon, an olketa sutim hem long ston go-go hemi dae.

Levitikas 24:14

“Yufala tekem datfala man goaot from ples wea yufala stap long hem. An olketa hu i herem hem toksuea mas go putum han blong olketa long hed blong hem, fo somaot dat hem nao hemi sin. Den yufala evriwan mas sutim hem dae long ston.

Matiu 10:38

An eniwan hu hemi no wiling fo karim kros blong hem an falom mi, hemi nating fit fo falom mi nao.

Matiu 16:24

Bihaen, Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

Matiu 27:37

Olketa raetem wanfala notis fo somaot wanem olketa sei hemi duim rong, an olketa putum antap long kros. Diswan hemi sei, “Disfala man hemi Jisas, King blong olketa Jiu.”

Gudnius abaotem Jisas Kraes wea Mak hemi raetem 10:21

Nao Jisas hemi luk go long man ya an hemi lavem hem tumas, so hemi talem hem olsem, “Wanfala samting nomoa yu mas duim. Yu mas go an salem evrisamting blong yu, an givim go seleni long olketa pua pipol. From diswan nao bae yu garem olketa risis moa long heven. An bihaen ya, yu save kam an falom mi.”

Gudnius abaotem Jisas Kraes wea Mak hemi raetem 15:26

An olketa raetem wanfala notis fo somaot wanem olketa sei hemi duim rong. Olketa raetem olsem, “King blong olketa Jiu.”

Gudnius abaotem Jisas Kraes wea Mak hemi raetem 15:32

?Waswe, hem nao hemi disfala Kraes, King blong Israel? Sapos hemi kamdaon long kros ya distaem, oraet, bae yumi lukim an biliv long hem nao.” An tufala man ya tu wea olketa nilam tufala wetem Jisas, tufala tokspoelem hem fogud.

Gudnius abaotem Jisas Kraes wea Mak hemi raetem 8:34

Bihaen moa, Jisas hemi kolem olketa pipol wetem olketa disaepol blong hem fo kam long hem an talem olketa olsem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

Gudnius abaotem Jisas Kraes wea Luk hemi raetem 14:27

An eniwan hu hemi no wiling fo karim kros blong hem an falom mi, disfala man ya hemi no save kamap wanfala disaepol blong mi.

Gudnius abaotem Jisas Kraes wea Luk hemi raetem 23:26

Taem olketa soldia olketa lidim Jisas go nao, olketa mitim wanfala man nem blong hem Saemon, hu hemi kam from biktaon long Saerin. An man ya hemi bin stap kam aotsaet long Jerusalem. Nao olketa putum kros blong Jisas antap long solda blong hem, an olketa fosim hem nao fo karim go bihaen long Jisas.

Gudnius abaotem Jisas Kraes wea Luk hemi raetem 23:33

Taem olketa kasem ples wea olketa kolem “Bon blong hed blong man,” olketa soldia olketa nilam Jisas long kros nao. An tufala man fo mekem trabol tu, olketa nilam tufala long tufala kros, an olketa putum wanfala long raetsaet blong Jisas an narawan long lefsaet blong hem.

Gudnius abaotem Jisas Kraes wea Luk hemi raetem 23:38

An olketa raetem wanfala notis an putum antap long kros blong Jisas wea hemi sei olsem, “Hem nao King blong olketa Jiu.”

Gudnius abaotem Jisas Kraes wea Luk hemi raetem 9:23

An Jisas hemi tok olsem moa long evriwan, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi evri de.

Gudnius abaotem Jisas Kraes wea Jon hemi raetem 19:13

Taem Paelat hemi herem olketa toktok ya nomoa, hemi lidim Jisas go aotsaet nao. An Paelat hemi sidaon long sea fo jajem pipol long kot nao. Disfala ples olketa kolem “Floa blong ston,” an long langguis long Hibru olketa kolem “Gabata.”

Gudnius abaotem Jisas Kraes wea Jon hemi raetem 5:2

Nao long Jerusalem, wanfala pul long wata hemi stap kolsap long disfala geit wea olketa kolem “Geit blong Sipsip.” Pul ya, nem blong hem long langguis long Hibru hemi Betsata, an hemi garem faefala longfala varanda long saet long hem.

Aposol 7:58

an olketa pulum hem go aotsaet long biktaon ya, an olketa sutim hem dae long ston. Olketa man hu i bin tok agensim Stivin, olketa livim longfala kaleko blong olketa long han blong wanfala yangman, nem blong hem Sol.