Gudnius abaotem Jisas Kraes wea Jon hemi raetem 18:33 - Pijin Deuterocanon

³³ Paelat hemi gobaek moa insaet long bikfala haos blong hem an hemi askem Jisas olsem, “?Waswe, so yu nao yu King blong olketa Jiu?”

Pijin Bible

³³ Paelat hemi gobaek moa insaet long bikfala haos blong hem an hemi askem Jisas olsem, “?Waswe, so yu nao yu King blong olketa Jiu?”

Gudnius abaotem Jisas Kraes wea Jon hemi raetem 18:33 ပူးပေါင်းရင်းမြစ်များ

Jeremaea 23:5

Yawe hemi gohed fo tok olsem, “Mi talem stret long yu nao. Taem bae hemi kam, wea mi mekem Brans fo kamap long laen blong King Deved. Bae hemi wanfala king hu hemi waes, an bae hemi rul ovarem lan ya long wei wea hemi stret fogud.

Sefenaea 3:15

Yawe hemi finisim panis blong yufala. Ya, hemi ronem olketa enemi. King Yawe blong Israel hemi stap wetem yufala, an no enisamting save mekem yufala fraet moa.

Sekaraea 9:9

Yawe hemi tok olsem, ?!Olketa pipol blong Saeon! !Yufala mas barava hapi! !Olketa pipol blong Jerusalem! !Yufala mas singaot bikfala! !Yufala lukim! King blong yufala hemi kam nao. Wei blong hem hemi stret olowe, an hemi winim finis olketa enemi blong hem. Bat hemi no haemapem hem seleva, an hemi raed kam antap long wanfala yang dongki.

Matiu 27:11

Nao Jisas hemi stanap go long frant blong Primia Paelat. An Paelat hemi askem hem olsem, “?Waswe, so yu nao yu King blong olketa Jiu?” An Jisas hemi sei, “Yu seleva nao yu talem olsem ya.”

Matiu 27:27

Nao olketa soldia blong Paelat olketa tekem Jisas go fastaem insaet long bikfala haos blong gavman. An long taem ya, olketa soldia ya evriwan nao olketa hipap raonem hem.

Gudnius abaotem Jisas Kraes wea Mak hemi raetem 15:2

Nao Paelat hemi askem Jisas olsem, “?Waswe, so yu nao yu King blong olketa Jiu?” An Jisas hemi ansarem hem olsem, “Yu seleva nao yu talem olsem ya.”

Gudnius abaotem Jisas Kraes wea Luk hemi raetem 23:2

An olketa man ya olketa stat fo talem plande samting agensim Jisas, an olketa tok olsem, “Mifala bin faendemaot wea man ya hemi bin lidim olketa pipol blong mifala fo go agensim bikfala King long Rom ya. An hemi bin talem olketa pipol tu fo no peim taks long bikfala King ya. An narasamting moa, hemi talem hem nao hemi disfala Mesaea wea hemi wanfala king.”

Gudnius abaotem Jisas Kraes wea Jon hemi raetem 1:49

Taem Nataniel hemi herem diswan nomoa, hemi sei nao, “!Tisa, yu nao San Blong God ya! !An yu nao King blong Israel!”

Gudnius abaotem Jisas Kraes wea Jon hemi raetem 12:13

So olketa go an tekem olketa lif blong pam tri, an olketa holem go fo mitim Jisas nao. An olketa go-gohed fo singaot olsem, “!Preisim God! !God, yu blesim disfala man ya hu hemi kam long nem blong yu! !God, yu blesim disfala King blong mifala long Israel!”

Gudnius abaotem Jisas Kraes wea Jon hemi raetem 12:15

“!Yufala olketa pipol long Saeon, yufala no fraet! Yufala lukim, king blong yufala hemi kam nao. Hemi raed kam antap long wanfala yang dongki ya.”

Gudnius abaotem Jisas Kraes wea Jon hemi raetem 18:34

Jisas hemi ansarem hem olsem, “?Waswe, yu seleva nao yu tingim fo askem mi abaotem diswan, o samfala pipol nao i stori long yu abaotem mi?”

Gudnius abaotem Jisas Kraes wea Jon hemi raetem 18:37

So Paelat hemi askem hem moa olsem, “?So yu wanfala king ya?” Jisas hemi sei, “Yu seleva nao yu talem olsem ya. Mi bon kam long disfala wol fo talem nomoa wanem hemi tru ya. Man hu hemi wiling fo falom wanem hemi tru, hemi save herem wanem mi talem.”

Gudnius abaotem Jisas Kraes wea Jon hemi raetem 18:38

Nao Paelat hemi askem hem moa olsem, “?Wanem nao hemi tru samting?” An bihaen, Paelat hemi go aotsaet moa long olketa bikman blong olketa Jiu an hemi tok olsem long olketa, “Mi no faendem enisamting wea man ya hemi duim wea hemi rong.

Gudnius abaotem Jisas Kraes wea Jon hemi raetem 19:12

Taem Paelat hemi herem diswan, hemi traehad fo faendem wei fo hemi letem Jisas fo go fri nao. Bat olketa Jiu i singaot bikfala olsem moa, “!Eniwan hu hemi sei hemi king, hemi enemi long bikfala King long Rom ya! !Sapos yu letem disfala man fo go fri, yu no fren blong bikfala King long Rom nao ya!”

Gudnius abaotem Jisas Kraes wea Jon hemi raetem 19:3

An olketa kam long hem an olketa tok olsem, “!Yu nao King blong olketa Jiu!” An olketa gohed fo hitim hem tu.

Gudnius abaotem Jisas Kraes wea Jon hemi raetem 19:4

Paelat hemi goaot moa an hemi tok olsem long olketa pipol, “!Olketa! Bae mi talem man ya fo kam aotsaet nao, mekem yufala save dat mi no faendem enisamting wea hemi duim wea hemi rong.”

Gudnius abaotem Jisas Kraes wea Jon hemi raetem 19:9

An hemi gobaek moa insaet long bikfala haos ya, an hemi askem Jisas olsem, “?Yu man blong wea ya?” Bat Jisas hemi no talem enisamting.

1 Timoti 6:13

Long ae blong God hu hemi save givim laef long evrisamting, an long ae blong Jisas Kraes hu hemi bin talemaot barava strongfala biliv blong hem long taem Pontias Paelat hemi jajem hem, mi tokstrong long yu.