Gudnius abaotem Jisas Kraes wea Jon hemi raetem 18:13 - Pijin Deuterocanon

¹³ An olketa tekem hem go fastaem long Anas, wea hem nao hemi dadi-inlo blong Kaeafas hu hemi Haeprist long disfala taem ya.

Pijin Bible

¹³ An olketa tekem hem go fastaem long Anas, wea hem nao hemi dadi-inlo blong Kaeafas hu hemi Haeprist long disfala taem ya.

Gudnius abaotem Jisas Kraes wea Jon hemi raetem 18:13 ပူးပေါင်းရင်းမြစ်များ

Matiu 26:3

Nao long disfala taem ya nomoa, olketa hedprist an olketa nara bikman olketa hipap long bikfala haos blong disfala Haeprist Kaeafas.

Matiu 26:57

Nao olketa man hu olketa kasholem Jisas ya, olketa tekem hem go long haos blong Haeprist Kaeafas nao. Long ples ya, olketa tisa blong Lo an olketa nara bikman nao olketa hipap long hem.

Gudnius abaotem Jisas Kraes wea Luk hemi raetem 3:2

an Anas an Kaeafas ya tufala i Haeprist long taem ya. An long taem ya tu, Jon hu hemi san blong Sekaraea, God hemi toktok long hem long taem hemi stap long drae eria ya.

Gudnius abaotem Jisas Kraes wea Jon hemi raetem 11:49

Wanfala long olketa, nem blong hem Kaeafas hu hemi Haeprist long taem ya, hemi tok olsem, “!Yufala no save long enisamting nomoa!

Gudnius abaotem Jisas Kraes wea Jon hemi raetem 11:51

From Kaeafas hemi Haeprist nao, hemi no talem toktok ya long tingting blong hem seleva, bat God nao hemi mekem hem fo talemaot dat Jisas bae hemi mas dae fo helpem olketa Jiu.

Gudnius abaotem Jisas Kraes wea Jon hemi raetem 18:24

Anas hemi sendem Jisas go long disfala Haeprist Kaeafas. Bat olketa nating tekemaot nomoa rop long han blong hem.

Gudnius abaotem Jisas Kraes wea Jon hemi raetem 18:28

Long eli moning, olketa lusim Kaeafas an olketa lidim Jisas go long bikfala haos blong primia blong Rom nao. Taem ya, olketa bikman blong olketa Jiu olketa stap aotsaet nomoa bikos olketa tingse sapos olketa go insaet, bae olketa no klin nao. Olketa wande fo stap klin, mekem olketa save kaikaim disfala kaikai blong Pasova ya.

Gudnius abaotem Jisas Kraes wea Jon hemi raetem 19:11

Jisas hemi ansarem hem olsem, “Yu no save garem paoa ovarem mi sapos God hemi no givim kam long yu. Disfala man hu hemi givim mi go long yu nao hemi garem bikfala sin moa.”

Aposol 4:6

Anas hu hemi Haeprist, an Kaeafas, an Jon, an Aleksanda, an olketa nara man long famili blong Haeprist olketa hipap tu.