Gudnius abaotem Jisas Kraes wea Jon hemi raetem 11:38 - Pijin Deuterocanon

³⁸ Nao Jisas hemi kasem disfala kev ya an hemi barava filnogud tumas moa. Disfala kev ya, olketa wakem insaet long bikfala ston, an wanfala ston nao hemi satem frant long kev ya.

Pijin Bible

³⁸ Nao Jisas hemi kasem disfala kev ya an hemi barava filnogud tumas moa. Disfala kev ya, olketa wakem insaet long bikfala ston, an wanfala ston nao hemi satem frant long kev ya.

Gudnius abaotem Jisas Kraes wea Jon hemi raetem 11:38 ပူးပေါင်းရင်းမြစ်များ

Jenesis 23:19

Nao bihaen, Ebraham hemi go an berem waef blong hem Sera long kev ya long Makpela wea hemi stap kolsap long Mamre, long Kenan.

Aesaea 22:16

!Sebna! ?Wanem nao yu duim ya? ?Waswe nao yu odarem olketa fo katem wanfala hol insaet long ston saet blong maonten ya, an redim ples fo berem yu long hem? ?Hu nao hemi alaom yu fo onarem yu seleva olsem?

Esikiel 21:6

“So, man blong graon, yu mas sore an krae long ae blong olketa pipol, fo somaot dat yu barava filnogud tumas.

Esikiel 9:4

Hemi tok olsem long hem, “Yu go evriwea long taon ya, an putum mak long fohed blong olketa pipol hu i gohed fo sore an krae fo olketa nogud samting wea olketa narafala pipol i duim insaet long taon ya.”

Matiu 27:60

An hemi putum insaet long niufala kev blong hem seleva wea olketa bin wakem insaet long bikfala ston. Bihaen moa, Josef hemi rolem wanfala bikfala ston fo satem frant long kev ya an hemi go nao.

Matiu 27:66

So olketa go long kev ya, an olketa satem gud an olketa putum mak long hem fo stopem olketa pipol fo no openem, an olketa letem olketa soldia fo sekiuriti gudfala long kev ya nao.

Gudnius abaotem Jisas Kraes wea Mak hemi raetem 15:46

So Josef hemi go nomoa an peim nao gudfala waet kaleko, an hemi aotem bodi ya long kros an paselem long kaleko nao. An hemi putum bodi ya insaet long wanfala kev wea olketa bin wakem insaet long bikfala ston. Bihaen, hemi rolem kam wanfala ston fo satem kev ya nao.

Gudnius abaotem Jisas Kraes wea Mak hemi raetem 8:12

Bat Jisas hemi tekwin bikfala, an hemi sei, “!Maewat! ?Waswe nao yufala pipol blong distaem yufala ask oltaem fo lukim wanfala spesol saen? Mi talem yufala tru samting nao, mi bae no mekem eni saen fo yufala fo lukim.”

Gudnius abaotem Jisas Kraes wea Luk hemi raetem 24:2

An taem olketa kasem kev ya nomoa, olketa lukim ston ya olketa bin rolem go finis, an kev ya hemi open nomoa.

Gudnius abaotem Jisas Kraes wea Jon hemi raetem 11:33

Taem Jisas hemi lukim dat Meri hemi krae, an olketa pipol hu i stap wetem hem olketa krae tu, hemi barava filnogud tumas nao.

Gudnius abaotem Jisas Kraes wea Jon hemi raetem 20:1

Long eli moning long fas de long wik, taem hemi tudak yet, Meri blong Magdala ya hemi go long disfala kev ya. Taem hemi kasem kev ya, hemi lukim dat disfala ston wea olketa satem kev ya long hem, olketa tekemaot nao.