Jeremaea 29:14 - Pijin Deuterocanon

¹⁴ Ya, bae yufala faendem mi, an bae mi tekemaot yufala from olketa kantri wea mi bin fosim yufala fo go long hem. Bae mi tekem yufala kambaek long disfala ples blong yufala.”

Pijin Bible

¹⁴ Ya, bae yufala faendem mi, an bae mi tekemaot yufala from olketa kantri wea mi bin fosim yufala fo go long hem. Bae mi tekem yufala kambaek long disfala ples blong yufala.”

Jeremaea 29:14 ပူးပေါင်းရင်းမြစ်များ

1 Kronikols 28:9

King Deved hemi tok olsem long Solomon, “San blong mi, tinghevi long Yawe hu hemi God blong mi. Yu mas barava obeim hem, an yu mas wiling tumas fo duim waka blong hem. Yawe nao hemi save long olketa tingting blong yumi, an hemi save tumas long evrisamting wea yumi laekem. Sapos yu lukaotem hem, bae yu save faendem hem, bat sapos yu lusim hem, bae hemi barava les long yu olowe.

Sams 126:1

Taem wea Yawe hemi tekem yumi kambaek long Saeon, hemi olsem nomoa wanfala drim.

Sams 126:4

Lod Yawe, olsem wea ren hemi fulumapem moa olketa smolfala riva wea i drae finis, plis yu mekem laef blong mifala fo gudbaek moa.

Sams 32:6

Dastawe nao hemi gud fo olketa hu i tinghevi long yu, fo prea long yu. Nao taem bikfala trabol hemi kam, olsem wanfala bikfala wata hemi ran, bae hemi no save kasem olketa.

Sams 46:1

God nao hemi sefples blong yumi, an hemi mekem yumi strong. Hemi redi fo helpem yumi long olketa taem blong trabol.

Aesaea 14:1

(Profet) Bae Yawe hemi sore long yumi olketa pipol long laen blong Israel, an bae hemi siusim yumi moa fo kamap pipol blong hem. Bae hemi letem yumi fo stap long disfala lan blong yumi, an pipol blong olketa narafala kantri tu bae i kam fo stap long ples ya an kamap olsem wanfala pipol wetem yumi.

Aesaea 43:5

“!Yufala no fraet! Mi stap nomoa wetem yufala. Nomata olketa long laen blong yufala ya i stap farawe kam long ist, o long west, bae mi save tekem olketa nomoa fo kam hom.

Aesaea 43:6

Bae mi talem olketa long not fo letem olketa pikinini blong mi fo kambaek long mi, an olketa long saot fo no stopem olketa from mi. Bae olketa ya mas lidim olketa san an dota blong mi hu i stap farawe kam long olketa ples long wol fo kambaek hom long mi.

Aesaea 45:19

Mi nating haedem toktok blong mi, o haedem plan blong mi from yufala. An mi no talem yufala fo lukaotem mi fo nating. Mi nao Yawe, an mi talem nomoa toktok wea hemi tru. Ya, oltaem mi talemaot nomoa wanem hemi stret.”

Aesaea 55:6

(Profet) !Yufala mas tane go long Yawe! Distaem hemi stap kolsap nomoa long yufala, so yufala mas prea go long hem.

Jeremaea 12:15

Bat bihaen, bae mi filsore long olketa, an bae mi tekem olketa evriwan kambaek long lan blong olketa.

Jeremaea 3:14

Hem ya nao mesij blong Yawe. Hemi tok olsem, “!Kambaek, yufala hu i lusim mi! Mi laekem yufala fo kambaek long mi bikos mi olsem hasban blong yu. Long evri taon blong yufala, bae mi tekemaot wanfala man from wanfala taon, an long evri laen blong yufala, bae mi tekemaot tufala man long wanfala laen fo kambaek long maonten long Saeon.

Jeremaea 30:10

“So, yufala long laen blong Israel, hu i spesol pipol blong mi. Yufala mas no fraet. Yufala mas no seksek. Bae mi sevem yufala from farawe kantri wea yufala stap long hem. Ya, bae mi tekemaot yufala from disfala ples wea olketa enemi bin fosim yufala fo go stap long hem. Bae yufala kambaek moa long hom blong yufala, nao bae yufala stap gud moa, an yufala save stap long piis. Bae no eniwan save spoelem yufala, o mekem yufala fraet.

Jeremaea 30:18

Yawe nao hemi gohed fo tok olsem, “Bae mi sore long olketa long laen blong Israel, an bae mi mekem laef blong olketa fo kamap gudfala moa. Bae olketa save bildimbaek moa disfala taon, an putum moa bikfala haos blong king long barava ples blong hem.

Jeremaea 30:3

Taem bae hemi kam wea mi tekemaot olketa pipol blong mi blong Jerusalem an Jiuda from ples wea olketa mas stap long hem, an tekem olketa kambaek moa fo stap gudfala long disfala lan wea mi bin givim long olketa grani blong olketa bifoa” Hem nao mesij blong Yawe.

Jeremaea 31:16

Bat mi talem yu tru nao. Resel. Yu no krae moa. Ya, yu draem tias blong yu, bikos bae mi givim gudfala samting long yu fo olketa gud samting yu bin duim fo olketa pikinini blong yu. Bae olketa pikinini ya i kamaot from ples blong olketa enemi, an kambaek moa long ples blong olketa. An laef blong yu bae kamap nambawan.” Hem nao mesij blong Yawe.

Jeremaea 31:23

Yawe hu hemi garem evri paoa an hu hemi God blong Israel, hemi tok olsem, “Taem mi mekem olketa blong Jiuda fo kambaek moa long lan blong olketa an stapgud moa long olketa taon blong olketa, bae olketa save tok moa olsem long Jerusalem: O Tambu Maonten. Letem Yawe hemi blesim yu. Yu nao ples blong hem hu hemi stret fogud.

Jeremaea 51:10

“Olketa blong Israel i singaot olsem, ‘Yawe God blong yumi, hemi mekem yumi stret nomoa, an tekem yumi kambaek olsem spesol pipol blong hem. Yumi mas gobaek long Jerusalem, an talemaot olketa gudfala samting wea Yawe hemi duim.’”

Jeremaea 8:3

An eniwan long disfala ravis pipol blong Jiuda hu i laef yet, bae mi fosim olketa fo lusim disfala lan blong olketa an stap long narafala ples. Bae olketa ya i tingting wea hemi moabeta fo olketa dae nao.” Hem nao mesij blong Yawe, hu hemi garem evri paoa.

Esikiel 37:21

an talem olketa dat mi Lod Yawe nao mi tok olsem: Bae mi tekemaot olketa blong Israel evriwan from olketa kantri wea olketa stap long hem distaem, an tekem olketa kambaek moa long disfala lan blong olketa.

Esikiel 39:25

“Dastawe nao mi Lod Yawe, mi tok olsem: Distaem, bae mi sore long olketa pipol blong mi wea i bon kam bihaen long Jekob, an bae mi mekem olketa fo stap gudfala moa olsem bifoa. An bae mi no letem olketa fo tokspoelem moa holi nem blong mi.

Emos 9:14

Yawe hemi tok moa olsem, ?Long datfala taem, bae mi tekem olketa pipol blong Israel fo kambaek moa long barava ples blong olketa. Bae olketa bildimbaek an stap moa long olketa taon blong olketa wea olketa enemi i bin spoelem. Bae olketa plantem moa olketa grep tri, an mekem waen long hem fo dring. Bae olketa wakem moa olketa gaden, an kaikaim moa olketa kaikai wea olketa plantem.

Maeka 4:12

Olketa ya i gohed fo toktok olsem, bat olketa nating save long tingting blong Yawe. Olketa nating save dat hem nao hemi kolem olketa fo hipap kam long ples ya, mekem hemi save panisim an barava spoelem olketa. Bae hemi olsem wea man hemi hipimap olketa sid blong wit, mekem buluka hemi step long hem fo klinimaot olketa skin.

Sefenaea 3:20

Long datfala taem bae mi tekem kambaek yufala pipol blong Jerusalem. Yufala ya wea i stap olobaot long olketa narafala kantri, bae mi tekem kambaek long barava ples blong yufala. Bae mi mekem nius abaotem hae nem blong yufala fo go kasem evri ples long wol ya. An bae yu save lukim dat mi mekem laef blong yufala fo kamap gudfala moa. Hem nao mesij blong Yawe.

Leta wea Pol hemi raetem go long sios long Rom 10:20

An Aesaea hemi tokstrong moa olsem, “Olketa pipol hu i no lukaotem mi, olketa nao faendem mi. Mi somaot mi seleva long olketa pipol hu i no ask abaotem mi.”

Diutronomi 30:1

Mosis hemi gohed fo tok olsem, “Mi talemaot finis wei wea Yawe hemi save blesim yufala, an wei wea hemi save mekem trabol fo kasem yufala. So taem evrisamting ya i kasem yufala, nomata watkaen kantri nao Yawe, God blong yufala, hemi mekem yufala fo stap long hem, yufala mas tingabaotem.

Diutronomi 30:3

Sapos hemi olsem, bae Yawe hemi kaen long yufala, an hemi save tekemaot yufala moa from olketa narafala ples wea hemi ronem yufala go long olketa ya.

Diutronomi 30:5

Bae hemi tekem yufala kambaek long disfala lan wea fastaem yufala stap long hem. An long datfala taem, bae hemi mekem yufala fo tekova long hem moa, an fo garem gudfala laef, an kamap strong moa winim yufala distaem.

Diutronomi 4:7

Olketa narafala kantri, nomata olketa garem paoa olsem wanem, bat god blong olketa nating stap wetem olketa olsem Yawe hemi stap wetem yumi. Taem yumi prea go long hem, bae hemi herem yumi olowe.