Jeremaea 26:16 - Pijin Deuterocanon

¹⁶ Bat olketa lida ya wetem olketa narafala pipol i tok olsem long olketa prist an olketa profet, “Disfala man, hemi bin gohed fo toktok long yumi long nem blong Yawe hu hemi God blong yumi. !Hemi nogud yumi kilim hem dae!”

Pijin Bible

¹⁶ Bat olketa lida ya wetem olketa narafala pipol i tok olsem long olketa prist an olketa profet, “Disfala man, hemi bin gohed fo toktok long yumi long nem blong Yawe hu hemi God blong yumi. !Hemi nogud yumi kilim hem dae!”

Jeremaea 26:16 ပူးပေါင်းရင်းမြစ်များ

Esta 4:14

Yu mas helpem olketa pipol blong yumi. Sapos yu stap kuaet nomoa long hadtaem olsem, help save kam long narafala wei, bat yu wetem olketa long famili blong dadi blong yu bae yufala evriwan i dae. Maet from disfala samting nao yu bin kamap kuin, mekem yu save helpem yumi long hadtaem olsem.”

Sams 94:16

Yawe nomoa hemi helpem mi an hemi saetem mi fo agensim olketa nogud pipol ya.

Provebs 16:7

Taem wei blong man hemi mekem Yawe hapi, Yawe hemi mekem enemi blong man fo kamap fren long hem.

Jeremaea 26:11

Nao olketa prist an olketa profet i tok olsem long olketa lida ya wetem olketa narafala pipol, “!Disfala man mas dae! Yufala evriwan herem finis wea hemi gohed fo talemaot nogud profesi agensim biktaon blong yumi.”

Jeremaea 36:19

Nao olketa tok olsem long hem, “Yutufala Jeremaea, yutufala mas ranawe an go haed. An yutufala mas no letem eniwan save long ples wea yutufala stap long hem.”

Jeremaea 36:25

Nomata Elnatan, an Delaea, an Gemaraea, trifala trae fo stopem king fo no bonem buk, bat hemi les fo lisin long trifala ya nao.

Jeremaea 37:15

Taem olketa herem toktok blong komanda ya, olketa kros tumas long profet, an olketa talem long olketa man blong olketa fo i wipim hem nogud. Taem olketa wipim hem finis, olketa karim hemi go long haos blong Jonatan, hu hemi minista blong King, wea olketa yusim olsem prisin.

Matiu 27:54

Long taem ya, bikman blong ami wetem olketa soldia blong hem, olketa gadem Jisas. An taem olketa lukim disfala etkuek an olketa narasamting wea hemi hapen ya, olketa barava fraet fogud nao an olketa sei, “!Disfala man ya hemi barava San Blong God tru ya!”

Gudnius abaotem Jisas Kraes wea Luk hemi raetem 23:41

Wanem yumitufala tekem panis fo hem, hemi stretwan ya, bikos olketa panisim yumitufala fo olketa ravis samting wea yumitufala bin duim. Bat man ya, hemi nating duim enisamting wea hemi rong ya.”

Gudnius abaotem Jisas Kraes wea Luk hemi raetem 23:47

Taem bikman blong ami hemi lukim wanem hemi hapen, hemi mekhae long God, an hemi sei, “Hemi tru nao, man ya hemi wanfala gudfala man tumas ya.”

Aposol 23:29

Mi faendemaot wea olketa agensim hem from olketa samting long saet blong Lo blong olketa Jiu nomoa ya, bat olketa no jajem hem long enisamting wea hemi fitim fo hemi stap long prisin o fo hemi dae long hem ya.

Aposol 23:9

Nao tufala seksin ya i gohed fo singaot bikfala moa, go-go samfala tisa blong Lo wea olketa blong Farasi, olketa stanap an gohed fo tokstrong olsem, “!Mifala nating faendem enisamting wea man ya hemi duim rong ya! !Maet wanfala spirit o wanfala enjel nao hemi bin toktok kam long hem!”

Aposol 25:25

Bat mi no luksave long enisamting wea hemi bin duim rong, mekem hemi mas dae. Nao hem seleva hemi laekem bikfala King long Rom fo jajem kes blong hem, so mi bin tingim dat bae mi sendem hem go ya.