Jenesis 9:5 - Pijin Deuterocanon

⁵ Nao sapos wanfala man hemi kilim dae narafala man, bae mi panisim hem. An sapos wanfala animol hemi kilim dae wanfala man, bae mi kilim hem dae.

Pijin Bible

⁵ Nao sapos wanfala man hemi kilim dae narafala man, bae mi panisim hem. An sapos wanfala animol hemi kilim dae wanfala man, bae mi kilim hem dae.

Jenesis 9:5 ပူးပေါင်းရင်းမြစ်များ

Jenesis 42:22

Nao Ruben hemi tok olsem long olketa, “Long taem ya, mi bin talem finis long yufala, ‘Hemi yangfala nomoa ya. Yufala no spoelem hem,’ bat yufala no save herem toktok blong mi. !Distaem yumi gohed fo garem panis nao from dae blong hem!”

2 Samuel 4:11

So taem tufala ravis man i go kilim wanfala stretfala man wea hemi slip nomoa long haos blong hem, panis blong tufala bae hemi barava nogud tumas moa. !Distaem bae mi mekem yutufala lus from disfala wol!”

1 Kings 2:6

So yu mas panisim hem falom save blong yu. An yu mas no letem hemi dae long piis nomoa.

2 Kings 11:1

Taem Kuin Atalaea, mami blong King Ahasaea long Jiuda hemi lukim dat san blong hem hemi dae, hemi stat fo kilim dae evriwan long laen blong king blong Jiuda.

2 Kronikols 24:22

King Joas hemi no tingabaotem kaenfala wei blong Jehoeada hu hemi dadi blong Sekaraea, bat hemi kilim hem dae. An taem Sekaraea hemi kolsap dae, hemi tok olsem, “Letem Yawe hemi lukim olketa samting wea yufala duim distaem, an bae hemi panisim yufala from hem.” Nao hemi dae.

2 Kronikols 33:24

Nao olketa bikman blong hem i mekem plan agensim hem, an olketa kilim hem dae insaet long haos blong hem.

2 Kronikols 33:25

Den olketa pipol blong Jiuda i go kilim dae olketa bikman hu i bin kilim dae Amon, an olketa mekem Josaea, san blong Amon fo kamap king.

Sams 9:12

Hemi gohed fo tingim olketa wea i safa, an gohed fo tingim tu krae blong olketa. An hemi panisim olketa pipol wea i gohed fo mekem olketa ya i safa.

Eksodas 20:13

“Yufala mas no kilim dae eniwan falom ravis plan.

Eksodas 21:12

Yawe hemi gohed fo tok olsem, “Eniwan hu hemi hitim nogud narafala man an kilim hemi dae, bae yufala mas kilim hem dae tu.

Levitikas 19:16

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.

Levitikas 24:17

“An sapos eniwan hemi kilim dae narafala man falom ravis plan, yufala mas kilim hem dae.

Levitikas 24:21

Eniwan hu hemi kilim animol blong narafala man hemi mas tekem kam animol fo sensimbaek. Bat sapos eniwan hemi kilim dae narafala man, yufala evriwan mas kilim hem dae tu.

Nambas 35:16

“Sapos eniwan hemi holem enisamting fo faet wea olketa wakem long aean, o ston, o timba, an hemi kilim dae narafala man, datfala man hemi man fo kil, an yufala mas kilim hem dae. An wantok blong man hu hemi dae, hem nao mas kilim hem dae taem hemi kasem hem.

Nambas 35:21

o hemi kros an faetem hem, oraet, hem tu hemi man fo kil, an yufala mas kilim hem dae. An wantok blong man hu hemi dae, hem nao mas kilim hem dae taem hemi kasem hem.

Matiu 23:35

So bikos hemi olsem, bae God hemi panisim yufala from dae blong olketa stretfala pipol blong hem, stat kam long dae blong stretfala man ya Ebol, go kasem dae blong Sekaraea san blong Barakaea, wea yufala kilim hem dae kolsap long olta long Tambuhaos blong God.

Aposol 17:26

Stat kam long wanfala man nomoa, God hemi mekem evri pipol long wol an hemi mekem olketa fo stap long evri ples long disfala wol. Hem seleva hemi bin makem olketa ples blong olketa fo stap an hemi bin makem taem blong olketa.

Diutronomi 19:11

“Bat maet wanfala man hemi heitem nara man, an hemi falom ravis plan fo faetem hem an kilim hem dae, an den hemi ranawe go long wanfala taon fo haed.

Diutronomi 19:12

Sapos olsem, olketa lida long ples blong hem i mas sendem toktok go, an mekem hemi kambaek. Den olketa mas givim hem long wantok blong man hu hemi dae fo hemi sensimbaek dae blong man.

Jajis 9:56

Long wei ya nao, God hemi panisim Abimelek bikos hemi kilim dae seventi brata blong hem, an hemi spoelem nem blong dadi blong hem.