Jenesis 7:21 - Pijin Deuterocanon

^21-23 Evrisamting ya wea hemi garem laef wea olketa stap long graon ya wea God hemi bin mekem olketa, bat long taem ya, hemi draonem olketa evriwan i dae finis nao. Evri man, wetem evri animol, an olketa narafala samting moa wea olketa gohed fo wakabaot long graon ya, an evri bed, God hemi spoelem olketa evriwan nao. Noa nomoa, wetem olketa long famili blong hem an evrisamting wea i stap wetem hem long bikfala sip ya, olketa ya nomoa i gohed fo laef.

Pijin Bible

^21-23 Evrisamting ya wea hemi garem laef wea olketa stap long graon ya wea God hemi bin mekem olketa, bat long taem ya, hemi draonem olketa evriwan i dae finis nao. Evri man, wetem evri animol, an olketa narafala samting moa wea olketa gohed fo wakabaot long graon ya, an evri bed, God hemi spoelem olketa evriwan nao. Noa nomoa, wetem olketa long famili blong hem an evrisamting wea i stap wetem hem long bikfala sip ya, olketa ya nomoa i gohed fo laef.

Jenesis 7:21 ပူးပေါင်းရင်းမြစ်များ

Jenesis 1:25

Hemi mekem olketa deferen samting wea i garem laef wea olketa stap long graon ya. Olketa animol blong vilij wetem olketa animol blong bus, stat long olketa wea i bikfala, go kasem olketa wea i smolfala, hemi mekem olketa evriwan. An God hemi lukim olketa waka blong hem ya, hemi gud.

Jenesis 6:13

Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

Jenesis 6:17

Bae mi sendem kam wanfala bikfala wata tumas fo kam long wol ya fo draonem evrisamting ya wea hemi laef, fo finisim olketa. Evrisamting long wol ya bae olketa dae.

Jenesis 7:4

Distaem sevenfala de nomoa hemi stap, nao bae mi mekem bikfala ren fo kam. An bae hemi ren long foti de an foti naet, an bae mi spoelem fogud olketa man wetem olketa narafala samting wea mi bin mekem long wol ya.”

Stori abaotem Job 34:15

oraet, yumi evriwan long disfala wol bae i dae, an bae yumi tane gobaek moa long dast.

Aesaea 24:19

Bae graon ya hemi seksek go-go hemi brek, an bae hemi garem bikfala hol long hem.

Aesaea 24:6

From diswan nao, bae bikfala trabol hemi kasem disfala wol. An olketa pipol long wol mas safa fo evri rong blong olketa, an no plande long olketa nao bae i stap long wol ya.

Hosia 4:3

From disfala samting nao, bae mi mekem evrisamting long disfala lan fo kamap drae, an evrisamting wea hemi stap insaet bae hemi dae. Evri animol an evri bed an evri fis long disfala ples bae i dae evriwan.”

Joel 2:3

Olketa grashopa ya i kam an kaikaim evrisamting, olsem faea hemi barava bonem evri gras long lan ya. Bifoa olketa kam, lan ya hemi olsem Gaden long Iden. Bat bihaen olketa go, hemi olsem barava drae eria nao. No enisamting nao hemi stap bihaen long olketa.

Sefenaea 1:3

Olketa pipol, an olketa animol, an olketa bed, an olketa fis, bae mi kilim dae olketa evriwan. An bae mi spoelem finis tu olketa samting wea i mekem olketa nogud man fo sin. Mi Yawe, an hem nao Mesij blong mi.?

Matiu 24:39

An olketa nating tingim enisamting bae hemi kasem olketa, bat seknomoa, bikfala flad ya hemi kam nao an hemi tekem evriwan go. An hem nao wanem bae hemi hapen taem mi San Blong Man mi kambaek.

Gudnius abaotem Jisas Kraes wea Luk hemi raetem 17:27

Yu save, long taem blong Noa, olketa pipol olketa gohed fo kaikai an dring an mekem marit, go-go kasem barava de wea Noa hemi go insaet long bikfala sip ya. Nao long taem ya nomoa, bikfala flad ya hemi kam an hemi kilim dae evriwan nao.

Leta wea Pol hemi raetem go long sios long Rom 8:20

Hem olsem bikos evrisamting ya i stap fo nogud. Diswan hemi no minim olketa samting ya laekem fo olsem, bat falom tingting blong God. Bat God hemi mekem plan finis,

Leta wea Pol hemi raetem go long sios long Rom 8:22

Yumi save, kam kasem distaem, evrisamting God hemi bin mekem, olketa kraeaot bikfala from olketa pein tumas, olsem woman wea hemi kolsap fo bonem pikinini.

2 Pita 2:5

Long bifoa tu, Noa hemi tokabaotem stretfala wei long olketa pipol. An taem olketa pipol no obeim God, God hemi panisim olketa. Hemi sendem bikfala flad fo kilim olketa dae. Bat Noa wetem sevenfala pipol nomoa, God hemi sevem olketa.