Jenesis 49:31 - Pijin Deuterocanon

³¹ Hem nao kev wea olketa berem bodi blong tufala grani blong mi ya, Ebraham an Sera bifoa. An long ples ya tu olketa bin berem bodi blong dadi blong mi an mami blong mi, an mi bin berem Lea long hem tu.

Pijin Bible

³¹ Hem nao kev wea olketa berem bodi blong tufala grani blong mi ya, Ebraham an Sera bifoa. An long ples ya tu olketa bin berem bodi blong dadi blong mi an mami blong mi, an mi bin berem Lea long hem tu.

Jenesis 49:31 ပူးပေါင်းရင်းမြစ်များ

Jenesis 25:10

Bat bihaen, Ebraham hemi peimaot graon ya long man ya, an hemi kamap graon blong hem nao. Long ples ya nao, tufala berem bodi blong Ebraham, an long sem kev ya tu, olketa bin berem bodi blong Sera long hem bifoa.

Jenesis 25:9

Nao tufala pikinini blong hem ya, Aesak an Ismael, tufala berem hem long kev ya wea nem blong hem nao Makpela, wea i stap long wanfala pisgraon long ist saet long Mamre. Disfala pisgraon ya, fastaem hemi blong Efron wanfala man long laen blong Het, an nem blong dadi blong hem nao Soha.

Jenesis 29:16

Man ya hemi garem tufala dota. Fasbon, nem blong hem nao Lea, an mektu dota, nem blong hem nao Resel.

Jenesis 47:30

Long taem mi dae, yu mas tekem mi aot from hia, an yu karim mi go an berem mi long ples ya wea olketa bin berem olketa grani blong mi long hem.” Nao Josef hemi tok olsem, “Bae mi duim nao wanem yu talem ya.”

Jenesis 49:32

Olo blong yumi ya hemi peimaot graon ya finis long olketa laen blong Het, nao pisgraon ya wetem kev ya long ston hemi blong yumi. Yufala mas berem mi long ples ya.”

Jenesis 50:13

Olketa karim bodi blong hem gobaek long Kenan, long Makpela, long narasaet long Mamre long ist, an olketa berem hem long kev ya blong ston, long pis graon ya wea fastaem hemi blong Efron man ya long laen blong Het, bat Ebraham hemi peimaot long hem, nao hemi kamap beregraon blong olketa.

Aposol 7:16

olketa tekem olketa kambaek an berem olketa long Sekem. Hemi long disfala grev wea Ebraham hemi bin baem long pikinini blong Hemo fo samfala seleni.