Jenesis 49:29 - Pijin Deuterocanon

^29-30 Nao Jekob hemi tokstrong long olketa olsem, “Mi kolsap dae nao. Bat yufala mas berem mi long kev ya wea olketa bin berem olketa olo blong mi bifoa ya. Bae yufala mas karim bodi blong mi gobaek long Kenan, long ples ya wea olketa kolem Makpela, long saet long Mamre long ist. Graon ya fastaem hemi blong wanfala man wea i laen blong Het, wea nem blong hem nao Efron, an hemi garem wanfala kev insaet long ston. Pis graon ya, grani blong mi hemi peimaot, fo hemi kamap beregraon.

Pijin Bible

^29-30 Nao Jekob hemi tokstrong long olketa olsem, “Mi kolsap dae nao. Bat yufala mas berem mi long kev ya wea olketa bin berem olketa olo blong mi bifoa ya. Bae yufala mas karim bodi blong mi gobaek long Kenan, long ples ya wea olketa kolem Makpela, long saet long Mamre long ist. Graon ya fastaem hemi blong wanfala man wea i laen blong Het, wea nem blong hem nao Efron, an hemi garem wanfala kev insaet long ston. Pis graon ya, grani blong mi hemi peimaot, fo hemi kamap beregraon.

Jenesis 49:29 ပူးပေါင်းရင်းမြစ်များ

Jenesis 15:15

Yu Ebram, bae yu stap laef fo longtaem, go-go kasem taem wea yu barava olo fogud, nao bae yu jes dae long piis, an bae olketa berem yu long gudfala wei.

Jenesis 23:16

Ebraham hemi agri fo peim praes ya wea man ya hemi talemaot long ae blong olketa pipol blong ples ya. Nao long ae blong olketa pipol ya, hemi skelem olketa silva seleni blong hem fo kasem barava praes ya, olsem wea olketa bisnisman save duim olowe long taem ya.

Jenesis 23:17

Dastawe nao, Ebraham hemi tekova long pisgraon ya long ples ya olketa kolem Makpela, wea hemi stap long ist saet blong Mamre. Fastaem graon ya hemi blong Efron, bat hemi kamap graon blong Ebraham nao. Pisgraon ya hemi las pisgraon blong Efron long ples ya, wetem kev ya, an olketa tri wea olketa stap long hem. Tufala stretem olketa samting ya

Jenesis 23:20

So long wei ya, graon ya wea fastaem hemi blong olketa laen blong Het, wetem kev ya wea i stap long hem, hemi kamap graon blong Ebraham. Bihaen hemi gohed fo yusim kev ya fo berem olketa long famili blong hem wea olketa dae.

Jenesis 23:9

mekem hemi salem kam wanfala smolfala pis graon blong hem long mi. Mi laekem disfala smolfala pis graon ya wea kev hemi stap long hem ya, wea olketa kolem Makpela, wea i stap long saet long disfala gaden blong hem ya. Plis yufala mas askem hem fo hemi letem mi peimaot disfala graon ya long ae blong yufala, long ful praes blong hem, mekem mi save onam olsem beregraon blong mifala.”

Jenesis 35:27

Nao Jekob hemi go long Kiriataba, wea distaem nem blong hem nao Hebron, wea i kolsap long Mamre. Hem nao ples wea grani blong hem Ebraham hemi bin stap long hem bifoa, an bihaen, dadi blong hem Aesak hemi stap moa long hem. Long taem ya, hemi go stap wetem dadi blong hem nao.

Jenesis 47:30

Long taem mi dae, yu mas tekem mi aot from hia, an yu karim mi go an berem mi long ples ya wea olketa bin berem olketa grani blong mi long hem.” Nao Josef hemi tok olsem, “Bae mi duim nao wanem yu talem ya.”

Jenesis 49:28

Olketa ya nao tuelfala brata ya wea olketa grandadi blong olketa tuelfala traeb blong Israel ya, wea fastaem, nem blong hem Jekob. An hem nao evri toktok wea olo ya hemi givim long olketa pikinini blong hem ya wea i talemaot las toktok blong hem, an hemi givim blesing blong hem long olketa evriwan wea i fitim olketa evriwan nao.

Jenesis 49:33

Taem hemi finis fo talem olketa toktok ya long olketa pikinini blong hem ya nomoa, hemi leidaon go long bed an hemi dae nao.

Jenesis 50:12

So long wei ya, olketa pikinini blong Jekob i duim nao olsem wea dadi blong olketa bin talem long olketa.

Jenesis 50:13

Olketa karim bodi blong hem gobaek long Kenan, long Makpela, long narasaet long Mamre long ist, an olketa berem hem long kev ya blong ston, long pis graon ya wea fastaem hemi blong Efron man ya long laen blong Het, bat Ebraham hemi peimaot long hem, nao hemi kamap beregraon blong olketa.

2 Samuel 19:37

Bihaen, yu letem mi fo gobaek long hom, mekem mi save dae kolsap long beregraon blong dadi an mami blong mi. Bat, pikinini blong mi Kimham hemi long hia. Yu save tekem hemi go wetem yu. Yu save duim enisamting fo hem olsem wea yu tingim hemi gud.”

Hibrus 12:23

Yufala kam fo joen wetem olketa pipol hu i stap hapi tugeta olsem olketa fasbon pikinini blong God. Nem blong olketa ya i stap insaet long buk blong heven finis nao. Yufala kam kasem God hu bae hemi jajem evri pipol. An yufala kam kasem olketa spirit blong olketa gudfala pipol blong bifoa, wea God hemi mekem olketa stret fogud finis nao.