Jenesis 40:2 - Pijin Deuterocanon

² King hemi kros tumas long tufala ya,

Pijin Bible

² King hemi kros tumas long tufala ya,

Jenesis 40:2 ပူးပေါင်းရင်းမြစ်များ

Jenesis 40:1

Nao bihaen lelebet, tufala wakaman blong king i mekem king ya hemi kros tumas long tufala. Tufala ya, wanfala hemi bos long olketa man fo lukaftarem waen blong king, an narafala hemi bos long olketa man fo mekem bred blong hem.

Jenesis 40:21

Man ya wea fastaem hemi bos long olketa man fo lukaftarem waen blong hem, hemi putum hem baek moa long waka blong hem.

Jenesis 40:23

Bat man ya wea hemi bos long olketa man fo lukaftarem waen blong king, hemi no tingim Josef nao, hemi fogetem hem finis.

Jenesis 41:10

Bifoa ya, yu bin kros long mi wetem man ya hu hemi bos long olketa man fo mekem bred blong yu, an yu putum mitufala long prisin, long haos blong komanda blong olketa gad long haos blong yu.

1 Kronikols 27:27

Simei hu hemi man long Rama, hemi lukaftarem olketa plantesin blong grep. Sabdi hu hemi man blong Sefam, hemi lukaftarem olketa grep fo mekem waen.

Sams 76:10

Yu finisim kros blong olketa enemi blong yu, hem nao bae mekem evriwan fo mekhae long yu. Ya, nomata lelebet kros nomoa hemi stap yet long olketa bae yu barava finisim.

Provebs 16:14

Taem lida hemi kros, hem save kilim man dae. Waes man hemi traehad fo mekem lida hapi.

Provebs 19:12

Sif wea hemi kros, hemi olsem laeon hemi redi fo kaikaim yu. Sif wea hemi hapi, hemi olsem gudfala ren.

Provebs 19:19

Man fo kros tumas, bae hemi pei. Sapos yu stretem trabol blong hem, bae yu duim olowe.

Provebs 27:4

Man hemi kros, save spoelem samting, bat man hemi joles, hemi barava spoelem evrisamting.

Aposol 12:20

Nao Herod hemi bin kros tumas wetem olketa pipol blong tufala taon long Taea an Saedon. So olketa bikman blong tufala taon ya i joen tugeta fo go lukim Herod, bikos olketa nao mas peim kaikai blong olketa long kantri wea Herod hemi rulim. Fastaem, olketa go suitim Blastas, hu hemi bos blong haos blong king, mekem hemi helpem olketa. An bihaen, olketa go askem Herod fo hemi mas no kros long olketa moa.