Jenesis 40:15 - Pijin Deuterocanon

¹⁵ !Yu lukim! Mi wanfala Hibru, bat fastaem olketa man i stilim mi aot from ples blong mifala, an olketa tekem mi kam long hia. Nao taem mi stap long hia, mi no duim enisamting wea hemi fitim fo olketa torowem mi long prisin.”

Pijin Bible

¹⁵ !Yu lukim! Mi wanfala Hibru, bat fastaem olketa man i stilim mi aot from ples blong mifala, an olketa tekem mi kam long hia. Nao taem mi stap long hia, mi no duim enisamting wea hemi fitim fo olketa torowem mi long prisin.”

Jenesis 40:15 ပူးပေါင်းရင်းမြစ်များ

Jenesis 14:13

Bat wanfala man long taon ya hemi ranawe, nao hemi go long Ebram hu hemi wanfala Hibru, an hemi talemaot evrisamting long hem. Taem ya Ebram hemi stap nomoa long ples blong hem, kolsap long olketa bik tri wea i stap long tambuples ya blong Mamre, hu hemi man long laen blong Amoa. Mamre ya wetem tufala brata blong hem Eskol an Anere, trifala i fren blong Ebram, an trifala mekem promis finis fo joen wetem hem long taem fo faet.

Jenesis 39:20

So hemi sendem olketa man blong hem fo go holem Josef, an torowe hem long prisin. Hem nao sem prisin ya wea oltaem king hemi gohed fo putum olketa prisin man blong hem insaet. Nomata Josef hemi stap long prisin,

Jenesis 40:16

Nao taem narafala man ya hemi herem dat mining blong drim ya wea Josef hemi talemaot hemi stret, hemi tok olsem, “Mi tu mi lukim wanfala drim. Mi drim dat trifala basket fo karim bred hemi stap antap long hed blong mi.

Jenesis 41:12

Wanfala yangfala Hibru hu hemi slev blong komanda blong yu ya hemi stap wetem mitufala long prisin ya. Taem mitufala talemaot tufala drim blong mitufala ya long hem, hemi talemaot mining blong tufala drim ya nao long mitufala.

Sams 105:18

Long prisin long Ijip olketa putum sen long lek blong hem, an olketa raonem bikfala aean long nek blong hem.

Sams 109:2

Olketa nogud pipol an olketa man fo laea i tok agensim mi nao. Olketa talem olketa laea toktok fo spoelem mi.

Eksodas 21:16

“Eniwan hu hemi stilim narafala man, nomata sapos hemi salem finis olsem slev o hemi kipim hem yet, yufala mas kilim man ya dae.

Daniel 6:22

!Mi oraet nomoa! !God blong mi hemi sendem kam enjel blong hem fo satem maos blong olketa laeon ya, an olketa nating kaikaim mi, bikos mi stret nomoa long ae blong hem an long ae blong yu tu!”

Gudnius abaotem Jisas Kraes wea Jon hemi raetem 10:32

Nao Jisas hemi askem olketa olsem, “Plande gudfala waka nao Dadi ya hemi talem mi fo duim, an yufala bin lukim taem mi duim olketa. ?Nao watkaen waka nao long olketa ya yufala wande fo sutim mi dae long hem?”

Gudnius abaotem Jisas Kraes wea Jon hemi raetem 15:25

Bat diswan hemi hapen olsem, mekem toktok long Lo blong olketa hemi kamtru, wea hemi sei, ‘Olketa heitem mi nating nomoa ya.’

Diutronomi 24:7

“Sapos eni man hemi kasholem wanfala wantok blong hem an fosim hem fo kamap slev blong hem, o hemi salem hem olsem wanfala slev, oraet, yufala mas kilim hem dae. Yufala mas kilim hem dae fo aotem disfala wei nogud from yufala.

1 Timoti 1:10

An hemi fo stretem olketa pipol hu i save durong wetem eniwan, an olketa hu i barava durong nogud, an olketa hu i save stilim pipol, an olketa hu i save talem laea olobaot, an olketa hu i save talem laea long kot, an olketa pipol hu i save duim enisamting moa wea hemi no falom gudfala tising.

1 Samuel 24:11

!Dadi, yu luk kam long pis kaleko ya! !Hem blong yu ya! !Sapos mi wande kilim yu dae, mi save kilim yu dae finis! !Bat mi katem nomoa pis kaleko blong yu! !Yu mas luklukgud long samting ya, hem mas mekem yu save dat mi nating agensim yu, an mi nating tingting fo spoelem yu! !Mi no mekem eni nogud samting long yu, bat yu lukaotem mi fo kilim mi dae!