Jenesis 34:3 - Pijin Deuterocanon

³ An taem hemi lukim dat gele ya hemi wanfala naesbola, hemi barava laekem tumas, so hemi gohed fo suitim hem fo hemi laekem hem.

Pijin Bible

³ An taem hemi lukim dat gele ya hemi wanfala naesbola, hemi barava laekem tumas, so hemi gohed fo suitim hem fo hemi laekem hem.

Jenesis 34:3 ပူးပေါင်းရင်းမြစ်များ

Jenesis 34:2

Nao Hamoa, hu hemi wanfala man long laen blong Hivi, hem nao hemi sif blong ples ya, an hemi garem wanfala pikinini boe blong hem wea nem blong hem nao Sekem. An taem boe ya hemi lukim Daena, hemi holemtaet, an hemi fosim hem fo slip wetem hem.

Jenesis 34:4

An hemi tok olsem long dadi blong hem, “Dadi, mi laekem tumas fo maritim gele ya. Plis yu go trae fo askem kam dadi blong hem fo hem.”

Jenesis 50:21

So yufala no fraet. Bae mi gohed fo lukaftarem yufala an olketa pikinini blong yufala.” So long wei ya nao, hemi gohed fo toktok gudfala long olketa, an hemi mekem olketa fo filgud moa.

2 Samuel 19:7

Distaem yu mas go strongim tingting blong olketa soldia blong yu. Mi toktru long ae blong Yawe, sapos yu no go duim distaem, evriwan bae lusim yu bifoa hemi tudak. An trabol wea bae hemi kamap, bae hemi bikfala moa winim eni narafala trabol wea yu bin garem long laef blong yu.”

2 Kronikols 30:22

Nao Hesekaea hemi talemaot long olketa prist an olketa Livaet wea hemi hapi tumas long waka blong olketa, bikos olketa savegud tumas long wei fo lidim olketa pipol fo wosipim Yawe. Oltaem long olketa sevenfala de ya, olketa prist an Livaet i gohed fo preisim Yawe hu hemi God blong olketa grani blong olketa, an olketa kaikaim olketa tambu kaikai from olketa sakrifaes fo somaot dat olketa stapgud wetem Yawe.

Aesaea 40:2

Tok isi long olketa blong Jerusalem, an talemaot long olketa dat disfala hadtaem wea hemi kasem olketa hemi finis nao. Mi nao Yawe, an mi panisim olketa finis from evri sin blong olketa. Ya, mi bin givim barava had panis long olketa, bat hemi finis nao.”

Hosia 2:14

Yawe hemi gohed fo tok olsem, “Distaem, bae mi tekem disfala woman blong mi gobaek moa long drae eria. An long ples ya nao, bae mi toktok gudfala long hem, mekem hemi ting kambaek moa long mi.

Hosia 2:16

Long datfala taem wea bae mi somaot lav blong mi fo hem, bae woman ya save kolem mi, ‘Hasban blong mi’. An bae hemi nating kolem mi moa, ‘Baal blong mi’, olsem wea hemi bin gohed fo duim fastaem.

Jajis 19:3

Bihaen, man ya hemi trae fo go toktokgud long woman ya, mekem hemi save tekem hem kambaek moa. Hemi tekem wakaman blong hem wetem tufala dongki blong hem an tufala go nao. Taem tufala kasem datfala ples, woman ya hemi kam an tekem hem go long haos blong dadi blong hem. An taem dadi blong hem hemi lukim man ya, hemi hapi tumas.

Stori abaotem Rut 1:14

So, tufala stat fo krae bikfala moa, bihaen Opa hemi kisim hem fo gudbae long hem an hemi gobaek nao. Bat Rut hemi no lusim hem.

1 Samuel 18:1

Nao king wetem Deved, tufala stori long olketa samting wea Deved hemi mekem. An stat long de ya, king hemi kipim Deved wetem hem an no letem hem fo gobaek moa long ples blong hem. Long datfala taem, Jonatan hemi fren wetem Deved.