Jenesis 31:41 - Pijin Deuterocanon

⁴¹ An oltaem long olketa tuenti yia ya wea mi bin stap wetem yufala, sem wei ya nomoa yufala gohed fo duim long mi olsem wanfala slev, an diswan hemi no sens nomoa. Mi gohed fo waka fo fotin yia fo tekem tufala dota blong yu ya, an mi gohed waka fo siksfala yia moa fo olketa animol blong yu ya. !An long olketa siksfala yia ya, yu sensim pei blong mi staka taem!

Pijin Bible

⁴¹ An oltaem long olketa tuenti yia ya wea mi bin stap wetem yufala, sem wei ya nomoa yufala gohed fo duim long mi olsem wanfala slev, an diswan hemi no sens nomoa. Mi gohed fo waka fo fotin yia fo tekem tufala dota blong yu ya, an mi gohed waka fo siksfala yia moa fo olketa animol blong yu ya. !An long olketa siksfala yia ya, yu sensim pei blong mi staka taem!

Jenesis 31:41 ပူးပေါင်းရင်းမြစ်များ

Jenesis 29:15

Bihaen, Laban hemi tok olsem long Jekob, “Yu nefiu blong mi, bat hemi no stret wea yu gohed fo waka long mi fo nating nomoa. ?Bae wanem nao mi peim yu long hem?”

Jenesis 30:28

Hemi moabeta fo yu talem mi wanem nao bae mi peim long yu, mekem mi peim yu long hem.”

Jenesis 31:38

Tuenti yia nao, mi bin gohed fo waka fo yu. An oltaem nomoa, olketa sipsip blong yu an olketa nanigot blong yu i gohed fo garem plande pikinini, bat nomata wanfala man sipsip o wanfala man nanigot mi nating tekem from yu, fo mi kaikaim.

Jenesis 31:40

Plande taem mi gohed fo filnogud long bodi blong mi. Long de taem, san hemi hotem mi an mi filtaet tumas, an long naet mi kol tumas an mi no save slip.

Jenesis 31:6

Yutufala save finis wea mi gohed fo hadwaka tumas fo duim olketa waka blong dadi blong yutufala.

Jenesis 31:7

Bat hemi gohed fo ravem mi olowe nomoa. Staka taem finis hemi sensim wei wea hemi peim mi long hem, bat God hemi no letem hem fo spoelem mi.

1 Korin 15:10

Bat bikos God nao hemi lavem mi tumas, dastawe mi stap olsem distaem. An God hemi no westem lav blong hem nating. Nomoa ya. Mi bin wakahad tumas winim olketa nara aposol. Bat diswan hemi no barava waka blong mi seleva ya, kaenfala lav blong God nao hemi bin stap wetem mi fo duim diswan.

2 Korin 11:26

Plande taem long olketa gogo blong mi, kolsap mi dae long bikfala riva an kolsap mi dae long enikaen man fo stil. Kolsap mi dae long olketa wantok blong mi an kolsap mi dae long olketa hu i no Jiu tu. Kolsap mi dae long biktaon an long bus an long solwata tu. An kolsap mi dae long olketa laea fren blong mi.