Jenesis 31:37 - Pijin Deuterocanon

³⁷ ?Yufala go lukluk long olketa samting ya blong mi ya, bat wanem nao yufala faendem? !Sapos yufala faendem enisamting, yufala tekem kam! Olketa man blong yumi ya olketa stap. !Yufala putum long ae blong olketa, mekem olketa luksave hu long yumitufala nao hemi stret!

Pijin Bible

³⁷ ?Yufala go lukluk long olketa samting ya blong mi ya, bat wanem nao yufala faendem? !Sapos yufala faendem enisamting, yufala tekem kam! Olketa man blong yumi ya olketa stap. !Yufala putum long ae blong olketa, mekem olketa luksave hu long yumitufala nao hemi stret!

Jenesis 31:37 ပူးပေါင်းရင်းမြစ်များ

1 Pita 3:16

Bat yufala mas ansarem olketa long wei wea hemi kuaet an kaen. An yufala mas stret an laef blong yufala mas gud olowe, mekem olketa pipol hu i save tokspoelem yufala from gudfala wei blong yufala hu i falom Kraes, bae olketa filsem fogud.

1 Pita 2:12

Distaem, olketa pipol hu i no biliv long God, olketa gohed fo tok nogud agensim yufala. So yufala mas mekem wei blong yufala stret gudfala long ae blong olketa, mekem olketa save lukim gudfala wei blong yufala. Sapos yufala duim olsem, bae olketa save preisim God from diswan, long taem wea bae hemi kam.

Hibrus 13:18

Yufala mas gohed fo prea fo mifala. Mifala savegud dat tingting blong mifala hemi stret an mifala laek fo duim nomoa evrisamting wea hemi stret gudfala.

1 Tesalonaeka 2:10

Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

Matiu 18:16

Bat sapos hemi no wiling fo herem yu, yu mas gobaek long hem long mektu taem moa, an yu mas askem wanfala o tufala man moa fo go wetem yu, bikos Buktambu hemi sei, ‘Taem eniwan hemi ripotem nara man, tu-tri pipol nao mas stap fo witnes long wanem hemi talem.’

Josua 7:23

Olketa tekem kam evrisamting ya long Josua wetem olketa pipol blong Israel, an putum evrisamting ya frant long Tambu Boks long Spesol Agrimen blong Yawe.

Jenesis 31:32

Bat sapos yu faendem eniwan long mifala hemi stilim olketa god blong yu ya, man ya bae hemi mas dae. Olketa man ya long laen blong yu nao bae olketa save witnes long yumi. Yu save lukaotem olketa god blong yu ya. An sapos yu faendem enisamting wea hemi blong yu, yu save tekem.” Hemi no save nomoa dat Resel nao hemi bin stilim olketa kaving ya, an hemi gohed fo haedem olketa.

Jenesis 31:36

Nao Jekob hemi faerem inlo blong hem, an hemi tok olsem, “?Wanem nao mi duim nogud ya? !Mi no brekem lo, mekem yufala kam ronem mi olsem! !Yufala no garem raet fo duim olsem!

Jenesis 31:38

Tuenti yia nao, mi bin gohed fo waka fo yu. An oltaem nomoa, olketa sipsip blong yu an olketa nanigot blong yu i gohed fo garem plande pikinini, bat nomata wanfala man sipsip o wanfala man nanigot mi nating tekem from yu, fo mi kaikaim.