Jenesis 29:16 - Pijin Deuterocanon

¹⁶ Man ya hemi garem tufala dota. Fasbon, nem blong hem nao Lea, an mektu dota, nem blong hem nao Resel.

Pijin Bible

¹⁶ Man ya hemi garem tufala dota. Fasbon, nem blong hem nao Lea, an mektu dota, nem blong hem nao Resel.

Jenesis 29:16 ပူးပေါင်းရင်းမြစ်များ

Jenesis 29:15

Bihaen, Laban hemi tok olsem long Jekob, “Yu nefiu blong mi, bat hemi no stret wea yu gohed fo waka long mi fo nating nomoa. ?Bae wanem nao mi peim yu long hem?”

Jenesis 29:17

Lea, fes blong hem hemi naes, bat Resel nao hemi wanfala barava naesbola.

Jenesis 30:19

Hemi babule moa, an hemi bonem meksiks pikinini boe blong Jekob.

Jenesis 31:4

So Jekob hemi sendem toktok go long tufala waef blong hem ya, Resel an Lea, mekem tufala go mitim hem long open ples, wea olketa animol blong hem i stap long hem.

Jenesis 33:2

Nao hemi laenem olketa evriwan, wea faswan, tufala slev woman ya wetem olketa pikinini blong tufala, nao bihaen Lea wetem olketa pikinini blong hem, an bihaen moa, Resel wetem pikinini blong hem Josef.

Jenesis 35:23

Olketa pikinini blong Lea nao Ruben, wea i fasbon blong Jekob, an Simion, an Livae, an Jiuda, an Isaka, an Sebulun.

Jenesis 46:15

Hem nao olketa pikinini boe wea i bon long Jekob an Lea, wetem olketa smolfala grani blong tufala, taem olketa stap yet long Mesopotemia. An tufala garem wanfala dota tu, an nem blong hem nao Daena. Olketa ya, namba blong olketa hemi kasem teti-tri.

Jenesis 49:31

Hem nao kev wea olketa berem bodi blong tufala grani blong mi ya, Ebraham an Sera bifoa. An long ples ya tu olketa bin berem bodi blong dadi blong mi an mami blong mi, an mi bin berem Lea long hem tu.

Stori abaotem Rut 4:11

So olketa lida wetem olketa narafala pipol moa long ples ya i tok olsem, “Ya, hemi gud. Mifala nao i witnes blong yu. Letem Yawe hemi mekem woman ya hu hemi kam long haos blong yu, bae hemi olsem Resel an Lea blong bifoa ya, wea tufala bonem plande pikinini fo Jekob, wea yumi bon kam long laen blong hem. An letem yu kamap wanfala bikman hu hemi garem biknem long disfala taon blong yumi ya Betlehem, an long disfala eria long Efrata.