Jenesis 25:28 - Pijin Deuterocanon

²⁸ An oltaem, Aesak hemi lavem Iso bikos hemi laekem tumas fo kaikaim olketa mit blong wael animol, bat Ribeka hemi lavem Jekob.

Pijin Bible

²⁸ An oltaem, Aesak hemi lavem Iso bikos hemi laekem tumas fo kaikaim olketa mit blong wael animol, bat Ribeka hemi lavem Jekob.

Jenesis 25:28 ပူးပေါင်းရင်းမြစ်များ

Jenesis 27:14

So Jekob hemi go, an hemi kilim tufala smolfala nanigot ya finis, an hemi karim kam, an hemi givim long mami blong hem, nao mami blong hem hemi kukim mit ya long wei wea dadi blong hem hemi i laekem.

Jenesis 27:19

Nao hemi tok olsem, “Mi Iso ya, mi fasbon blong yu. Mi duim finis wanem yu bin talem. Hem nao mit ya wea mi karim kam. Plis yu sidaon an kaikai mekem yu blesim mi.”

Jenesis 27:25

So dadi blong hem hemi tok olsem, “Oraet, yu tekem kam mit ya fo mi kaikaim. An bihaen taem mi kaikai finis, bae mi blesim yu.” Nao hemi karim kam kaikai ya long hem, an hemi tekem kam waen tu.

Jenesis 27:3

Hemi gud yu tekem bou an aro blong yu, an yu go sutim wanfala animol, mekem yu kukim mit blong hem fo mi kaikaim.

Jenesis 27:31

Hemi kukim mit ya long wei wea test blong hem hemi barava gud tumas, nao hemi tekem kam long dadi blong hem, an hemi tok olsem, “Dadi, hem nao mit ya wea mi karim kam. Plis yu sidaon an yu kaikai mekem yu blesim mi.”

Jenesis 27:4

Yu kukim olsem wea mi laekem, wea hemi barava test gud, nao yu tekem kam long mi. An bihaen, taem mi kaikai finis, bae mi blesim yu bifoa mi dae.”

Jenesis 27:9

Yu go long ples ya wea olketa nanigot blong yumi i stap long hem, an yu siusim tufala smolfala nanigot wea tufala i nambawan, nao yu tekem kam, mekem mi kukim mit ya olsem wea dadi blong yu hemi laekem tumas.