Jenesis 25:20 - Pijin Deuterocanon

²⁰ Taem Aesak hemi maritim Ribeka, hemi kasem foti yia blong hem. Woman ya hemi dota blong Betuel, wanfala man blong Mesopotemia, long distrik ya wea olketa kolem Aram.

Pijin Bible

²⁰ Taem Aesak hemi maritim Ribeka, hemi kasem foti yia blong hem. Woman ya hemi dota blong Betuel, wanfala man blong Mesopotemia, long distrik ya wea olketa kolem Aram.

Jenesis 25:20 ပူးပေါင်းရင်းမြစ်များ

Jenesis 24:15

Taem man ya hemi no finisim prea blong hem yet, wanfala yang gele hemi kasem ples ya nao, wea i karim wanfala botol fo wata long solda blong hem. Gele ya, nem blong hem nao Ribeka. Hem ya dota blong Betuel, hu hemi bon long Milka an Nehoa. Nehoa ya hemi brata blong Ebraham.

Jenesis 24:29

Nao Laban, brata blong Ribeka hemi stap. An taem hemi lukim gol ring long nous blong gele ya, an tufala gol sen ya hemi stap long han blong hem, an hemi herem hemi talemaot olketa toktok wea man ya hemi talem, hemi goaot long haos, an hemi ran go fo lukim man ya. Man ya hemi stap yet long wel, wea hemi gohed fo stanap nomoa kolsap long olketa kamel blong hem. Taem Laban hemi kam,

Jenesis 24:67

Nao Aesak hemi tekem gele ya fo go stap long haostent ya wea mami blong hem Sera hemi bin stap long hem bifoa, an hemi maritim hem nao. Aesak hemi lavem gele ya tumas so sore blong hem long dae blong mami blong hem hemi finis.

Jenesis 27:43

Yu mas duim wanem mi talem yu. Yu mas ranawe go long Haran. An yu mas go stap wetem brata blong mi Laban, go-go kasem taem wea tingting blong brata blong yu hemi kamap kuaet, an kros blong hem hemi godaon,

Jenesis 28:7

An hemi herem tu wea brata blong hem hemi obeim wanem dadi an mami blong tufala i talem.

Jenesis 31:20

Nao Jekob hemi no talem inlo blong hem wea bae hemi goaot, hemi haedem tumas plan ya, hemi jes ranawe nomoa from hem.

Jenesis 31:24

Long taem ya, Jekob wetem grup blong hem, olketa mekem finis ples blong olketa antap long wanfala maonten, mekem olketa res long hem fastaem. Nao Laban wetem olketa man blong hem olketa kam mekem ples blong olketa tu long Gilead. Nao long naet ya, God hemi kam long Laban long wanfala drim, an hemi tok olsem long hem, “Yu lukaot. Nogud yu talem eni strongfala toktok long inlo blong yu ya, Jekob.”

Jenesis 33:18

Jekob hemi lusim Mesopotemia, an hemi kamap sef nomoa long kantri ya wea olketa kolem Kenan. Nao hemi kam stap long taon ya wea olketa kolem Sekem, an hemi mekem ples blong hem long wanfala open ples kolsap long taon ya.

Jenesis 35:26

An olketa pikinini blong Silpa wea hemi slev woman blong Lea nao Gad, an Asa.

Jenesis 35:9

Stat kam long taem wea Jekob hemi bin lusim Mesopotemia, an ka-kam kasem Betel, God hemi kasem hem moa, an hemi blesim hem.

Jenesis 46:15

Hem nao olketa pikinini boe wea i bon long Jekob an Lea, wetem olketa smolfala grani blong tufala, taem olketa stap yet long Mesopotemia. An tufala garem wanfala dota tu, an nem blong hem nao Daena. Olketa ya, namba blong olketa hemi kasem teti-tri.

Gudnius abaotem Jisas Kraes wea Luk hemi raetem 4:27

An long taem blong profet Elaesa, plande pipol long Israel nao i garem ravis sik blong skin, bat no eniwan long olketa hemi mekem fo gudbaek from sik ya. Bat wanfala man wea Elaesa hemi mekem hem fo gudbaek nao, hemi disfala Naaman wea hemi blong kantri long Siria.”

Diutronomi 26:5

Den long frant long Yawe, bae yu mas talemaot olketa toktok olsem, ‘Olo blong mi, hemi man blong Aram, an hemi no garem eni ples blong hem seleva. Hemi tekem olketa famili blong hem go stap long Ijip. Taem olketa go, olketa i no plande, bat taem olketa stap long ples, olketa kamap wanfala nesin wea i strong, an i garem plande traeb long hem.