Jenesis 19:24 - Pijin Deuterocanon

²⁴ Seknomoa, Yawe hemi sendem kamdaon hot ston an hot asis wea i laet, fo hemi fo-foldaon kam from skae olsem ren antap long tufala taon ya long Sodom an Gomora.

Pijin Bible

²⁴ Seknomoa, Yawe hemi sendem kamdaon hot ston an hot asis wea i laet, fo hemi fo-foldaon kam from skae olsem ren antap long tufala taon ya long Sodom an Gomora.

Jenesis 19:24 ပူးပေါင်းရင်းမြစ်များ

Jenesis 13:10

Nao Lot hemi luklukraon, an hemi lukim bikfala vali ya long Jodan Riva, an hemi garem plande gudfala wata, olowe go-go kasem taon ya wea olketa kolem Soa long saot. Hemi lukim dat ples ya hemi olsem gudfala ples ya wea Yawe hemi bin wakem fastaem long Iden, an hemi olsem gudfala graon ya long Ijip tu. Long taem ya, Yawe hemi no bin spoelem yet tufala taon ya long Sodom an Gomora.

Jenesis 18:17

An taem olketa gohed fo wakabaot, Yawe hemi gohed fo tingting olsem, “Olketa samting wea bae mi duim ya, bae mi no haedem olketa from Ebraham.

Jenesis 19:23

Nao taem Lot hemi kasem Soa, san hemi gohed fo kamap finis.

Stori abaotem Job 1:16

Taem hemi gohed fo toktok yet, narafala wakaman moa hemi kam, an hemi tok olsem, “!Masta! Laetning hemi kilim dae evri sipsip blong yu an evri man wea i lukaftarem olketa. Mi seleva nomoa mi ranawe kam fo talem yu.”

Stori abaotem Job 18:15

Faea hemi bonem haostent blong hem. An olketa hot ston salfa i bonem ples blong hem.

Sams 11:6

Bae hemi sendem kamdaon faea wetem olketa hot ston, fo bonem olketa ya finis. An bae hemi panisim olketa long win wea hemi barava hot fogud.

Eksodas 9:23

So hemi liftimap wokingstik blong hem goap long skae, an seknomoa, Yawe hemi mekem tanda hemi bosta, an laetning hemi laet godaon kasem graon, an olketa ston long aes i gohed fo foldaon. Long wei ya, Yawe hemi sendem kam bikfala stom wetem ston long aes fo foldaon kam long Ijip.

Aesaea 1:9

Sapos Yawe hu hemi garem evri paoa hemi no bin sevem samfala long yumi, bae yumi olsem nao olketa pipol blong Sodom an Gomora wea olketa bin lus finis.

Aesaea 13:19

Taon ya long Babilon, hemi luknaes tumas winim olketa narafala kapitol long wol, an olketa pipol blong ples ya i praod tumas long hem. Bat Yawe bae hemi barava spoelem taon ya, olsem wea hemi bin spoelem Sodom an Gomora bifoa.

Aesaea 30:33

Yawe hemi redim finis Tofet, disfala ravis ples fo sakrifaes blong olketa hiden pipol. Ples ya fo bonem sakrifaes hemi dip an waed fogud, an plande faeawud nao olketa hipimap finis insaet. Bae Yawe hemi blou kam an barava hot faea nao hemi stat long ples ya. Ya, ples ya hemi redi finis fo bonem disfala king blong Asiria.

Jeremaea 20:16

Mi laekem trabol fo kasem man ya olsem trabol hemi kasem olketa taon wea Yawe hemi bin spoelem nogud. Mi laekem hem fo herem olketa pipol krae long moning an olketa enemi singaot long midol long de.

Jeremaea 23:14

An mi lukim tu dat olketa profet long Jerusalem i duim barava ravis samting wea hemi wos moa winim olketa narafala profet ya. Olketa gohed fo brekem lo blong marit, an laef blong olketa nao hemi fulap long laea. Olketa gohed fo helpem olketa ravis pipol, mekem olketa no save stop nao from olketa ravis wei blong olketa. Olketa pipol long Jerusalem evriwan i ravis tumas olsem olketa blong tufala taon long Sodom an Gomora long bifoa.”

Jeremaea 49:18

Olsem wea mi spoelem Sodom an Gomora bifoa wetem olketa taon wea i stap raonem tufala ya, long sem wei tu, bae mi spoelem nao Idom, mekem no eniwan save stap long hem.” Hem nao toktok blong Yawe.

Jeremaea 50:40

Olsem wea mi spoelem Sodom an Gomora bifoa wetem olketa taon wea i stap raonem tufala ya, long sem wei tu, bae mi spoelem nao Babilonia, mekem no eniwan save stap long hem.” Hem nao mesij blong Yawe.

Lamentesin 4:6

God hemi spoelem wantaem nomoa taon long Sodom, an no eniwan save helpem hem. Bat panis wea hemi kasem pipol blong mi hemi wos moa winim panis blong pipol long Sodom bifoa.

Hosia 11:8

“!Olketa blong Israel! ?Hao nao bae mi save finis from yufala? !Yufala i pipol blong mi nao! ?Hao nao bae mi save lusim yufala? Mi no save spoelem yufala evriwan olsem wea mi bin duim bifoa long tufala taon long Adma an Seboeim. Long haat blong mi, mi lavem yufala tumas. Mi nating laekem nomoa fo duim eni nogud samting olsem long yufala.

Emos 4:11

?Mi nao bin kilim dae samfala long yufala olsem wea mi bin kilim dae olketa pipol blong Sodom an Gomora. Yufala hu i laef yet, yufala lake ya bikos yufala olsem wanfala stik wea man hemi pulumaot from wanfala bikfala faea. !Bat nomata olsem, yufala nating tanem nomoa tingting blong yufala fo kambaek long mi!

Gudnius abaotem Jisas Kraes wea Luk hemi raetem 10:12

Mi talem long yufala, long Lasde ya, bae panis blong olketa pipol long taon ya, hemi bikfala moa winim panis blong olketa pipol long taon long Sodom.”

Diutronomi 28:24

An Yawe bae hemi mekem strong win hemi bloum plande dast blong drae graon, an olketa dast ya bae foldaon an spoelem yufala, go-go yufala evriwan dae.

Diutronomi 29:22

“Nao long wanem bae hemi hapen, olketa pikinini blong yufala, wetem olketa wea bae i kamaot bihaen long yufala, an olketa strensa blong olketa narafala kantri farawe, olketa bae i lukim olketa bikfala trabol wea Yawe hemi mekem kam long ples blong yufala, an bae olketa lukim olketa sik wea hemi mekem fo kasem yufala.

Diutronomi 29:23

Evriwea long lan blong yufala bae hemi emti, bae hemi no garem enisamting hemi save grou long hem. Salfa poesen an solt bae hemi evriwea long hem. Bae yufala no save plantem enisamting long hem. Nomata ravis gras nomoa, bat hemi no save grou long hem tu. Ples blong yufala bae hemi bagarap olsem olketa taon long Sodom, an Gomora, an Adma, an Seboeim, wea Yawe hemi spoelem olketa bifoa taem hemi kros tumas long olketa.

2 Pita 2:6

An tufala taon long Sodom an Gomora, God hemi jajem an bonem tufala long faea. Long disfala wei, hemi somaot long olketa hu i les fo obeim hem, wea diswan bae hemi kasem olketa tu.

Jiud 1:7

An yufala tingim moa olketa pipol blong tufala taon long Sodom an Gomora an olketa nara ples kolsap long tufala. Olketa go krangge olsem olketa enjel ya tu. Olketa durong wetem eniwan an olketa barava durong nogud moa. So panis blong olketa nao hemi bikfala faea wea hemi no save dae long enitaem. An diswan nao hemi saen fo wonem yumi evriwan ya.

Revelesin 14:10

bae God hemi panisim hem. Bae man ya hemi dringim disfala kap waen, wea hem nao olsem ful paoa blong kros blong God. Olketa bae safa nogud tumas long barava hot faea wea hemi laet long diskaen ston salfa. An olketa holi enjel an Smolfala Sipsip ya bae lukim diswan.