Jenesis 14:17 - Pijin Deuterocanon

¹⁷ Nao taem wea Ebram hemi kambaek from faet ya wea hemi winim fofala king ya, king blong Sodom hemi goaot fo mekem welkam long hem long disfala vali wea nem blong hem Sabe. Narafala nem blong ples ya nao Vali blong King.

Pijin Bible

¹⁷ Nao taem wea Ebram hemi kambaek from faet ya wea hemi winim fofala king ya, king blong Sodom hemi goaot fo mekem welkam long hem long disfala vali wea nem blong hem Sabe. Narafala nem blong ples ya nao Vali blong King.

Jenesis 14:17 ပူးပေါင်းရင်းမြစ်များ

Jenesis 14:1

Nao long taem ya, fofala king blong fofala kantri i joen tugeta fo faet. Nem blong olketa nao, King Amrafel blong Babilonia, an King Ariok blong Elasara, an King Kedolama blong Elam, an King Tidal blong Goeim.

Jenesis 14:10

Graon long vali ya hemi narawei nao, bikos staka hol nao hemi stap olobaot long hem, wea olketa fulap long ta. Taem faefala king ya i stat fo lus, olketa ranawe nao from faet ya. Nao king blong Sodom an king blong Gomora wetem olketa soldia blong tufala i ranawe go, bat olketa gohed fo foldaon insaet long olketa hol ya. Bat trifala narafala king ya wetem olketa soldia blong trifala i ranawe go an haed antap long olketa hil.

Jenesis 14:5

Oraet, long mekfotin yia, King Kedolama wetem trifala narafala king ya wea i fren, olketa soldia blong olketa i kam fo faet long ples ya. Fastaem, olketa kam long ples ya wea olketa kolem Astarot Kenaem, an faet wetem olketa soldia long laen blong Refaem, an winim olketa. An bihaen, olketa kam long ples ya wea olketa kolem Ham, an faet wetem olketa long laen blong Susim, an winim olketa ya tu. Taem olketa kam long vali ya wea olketa kolem Kiriataem, olketa faet wetem olketa long laen blong Emim, an winim olketa ya moa.

2 Samuel 18:18

Bifoa, taem Absalom hemi laef yet, hemi putumap wanfala tolfala ston olsem memori long hem long Vali blong King. Hemi duim samting ya bikos no eni pikinini blong hem, hemi laef fo tekova long nem blong hem. Dastawe nao hemi givim nem blong hem long ston ya, nao stat long taem ya kam kasem tude olketa pipol i kolem ston ya, “Memori blong Absalom.”

Provebs 14:20

Puaman no garem wantok. Risman garem staka.

Provebs 19:4

Risman garem plande wantok. Puaman nomoa nao.

Hibrus 7:1

Disfala Melkisedek ya hemi king long wanfala ples wea olketa kolem Salem, an hemi prist blong God hu hemi Hae Tumas. Long taem Ebraham hemi kambaek from ples wea hemi bin winim fofala king wetem olketa ami blong fofala ya, Melkisedek hemi mitim hem long rod an hemi blesim hem.

Jajis 11:34

Jefta hemi garem nomoa wanfala pikinini gele, hemi no garem eni narafala pikinini moa. Oraet, Jefta hemi kambaek long hom blong hem long Mispa, bat wea, dota blong hem nao hemi kam fo mitim hem. Hemi gohed fo dans kamaot wetem tamborin blong hem.

1 Samuel 18:6

Bihaen long taem wea Deved hemi kilim strongman fo faet blong Filistia, an taem faet ya hemi finis, olketa soldia i kam hom. An olketa woman long evri taon blong Israel i kamaot fo mitim King Sol. Olketa hapi tumas an pleim tamborin an smol gita, an olketa singsing an dans.