Jajis 7:20 - Pijin Deuterocanon

²⁰ Semtaem nomoa, tufala narafala grup ya tu i duim olsem. Olketa bloum trampet an brekem olketa pot. Olketa evriwan i holem laet long lefhan an trampet long raethan, an olketa gohed fo singaot bikfala olsem, “!Kilim olketa dae! !Kilim olketa dae! !Yawe an Gidion nao mas winim faet!”

Pijin Bible

²⁰ Semtaem nomoa, tufala narafala grup ya tu i duim olsem. Olketa bloum trampet an brekem olketa pot. Olketa evriwan i holem laet long lefhan an trampet long raethan, an olketa gohed fo singaot bikfala olsem, “!Kilim olketa dae! !Kilim olketa dae! !Yawe an Gidion nao mas winim faet!”

Jajis 7:20 ပူးပေါင်းရင်းမြစ်များ

Aesaea 27:13

An long taem ya, bae wanfala man hemi bloum trampet fo kolem evriwan long laen blong yumi wea olketa enemi i fosim olketa fo stap long Asiria an long Ijip, fo kam an wosipim Yawe long Tambu Maonten long Jerusalem.

Jeremaea 47:6

“Yufala gohed fo kraeaot olsem, ‘!Ooo Yawe! ?Naef fo faet blong yu bae hemi gohed fo kilim mifala dae go-go kasem wataem? Plis yu putum hem gobaek long paos blong hem, mekem hemi stop fo no kilim moa.’

2 Korin 4:7

Bat nomata mifala garem disfala nambawan samting blong God, mifala olsem pot wea olketa wakem long graon nomoa. Hemi somaot dat disfala bikfala paoa hemi no blong mifala, bat hemi blong God.

1 Tesalonaeka 4:16

Bikos taem Masta blong yumi hemi kamdaon from heven, an sif blong olketa enjel hemi singaot, an yumi herem saon long trampet blong God, bae olketa hu i biliv long Kraes an i dae finis, olketa nao bae i laefbaek fastaem.

Hibrus 11:4

Ebol hemi biliv long God, an dastawe sakrifaes blong hem hemi gudfala moa winim sakrifaes blong brata blong hem Kein. An bikos Ebol hemi biliv, God hemi luksave long hem olsem wanfala stretfala man, wea God hemi tokhapi long sakrifaes blong hem. Nomata Ebol hemi dae longtaem finis, stori abaotem hem hemi tokabaotem bikfala biliv blong hem kam kasem tude.

Josua 6:16

Taem olketa goraonem taon ya long mekseven taem finis, olketa prist i redi fo bloum olketa trampet longtaem tumas. Den Josua hemi tok olsem long olketa, “!Distaem, yufala singaot bikfala! !Yawe hemi putum finis taon ya long han blong yumi!

Josua 6:20

Taem Josua hemi toktok finis nomoa, olketa prist i bloum olketa trampet longtaem tumas, an evriwan i singaot bikfala fogud. An bikfala wolston long taon ya hemi brek an hemi foldaon long graon nao. Evri soldia i go insaet long taon ya, an no eniwan save stopem olketa nao. So olketa winim Jeriko long faet ya.

Josua 6:4

Bae sevenfala prist nao i holem an bloum trampet fo maas go frant long olketa prist wea i karim Tambu Boks long Spesol Agrimen blong mi. Long mekseven de, bae yufala maas raonem taon ya sevenfala taem. An long taem ya, bae olketa prist ya mas gohed fo bloum trampet blong olketa.

2 Pita 1:15

Olsem, mi mas wakahad, mekem taem mi dae finis, yufala no save fogetem olketa tru toktok ya moa.

Jajis 7:19

Long midol long naet, taem olketa soldia blong Midian hu i gadem ples i sens, Gidion wetem 100 man blong hem i kasem nao saet long datfala ples fo raonem. Den olketa bloum trampet blong olketa, an olketa brekem olketa pot blong olketa mekem laet long hem hemi saenaot.

Jajis 7:21

Olketa soldia blong Gidion i gohed fo stanap raonem ami blong Midian. An olketa evriwan i bloum trampet. Oraet, Yawe hemi mekem ami blong Midian i barava fraet fogud. So olketa ran olobaot an tekem olketa naef fo faet an gohed fo kilim olketa wantok blong olketa seleva. So evriwan long olketa enemi ya i singaot long fraet an ranawe nao. Olketa ranawe go fo ples long Serera, bat olketa kasem nomoa taon long Bet-Akesia wea hemi stap long spialaen blong Abel-Mehola kolsap long ples long Tabat.

1 Samuel 11:11

Long neks de long eli moning, King Sol hemi divaedem olketa soldia blong hem long trifala grup. Taem hemi tudak yet, olketa ran go long olketa haostent blong ami blong Amon fo kilim olketa. An olketa kilim dae olketa long ami blong Amon go-go hemi kasem midol long de. Tu-tri man blong Amon wea i no dae i ranawe seleva.