Jajis 6:39 - Pijin Deuterocanon

³⁹ Nao hemi prea moa, an hemi tok olsem, “God, plis yu no kros long mi, mi laek toktok moa long yu. Yu letem mi traem skin blong sipsip ya wanfala taem moa, bat distaem mi laekem yu fo mekem skin blong sipsip ya hemi drae, bat graon raonem hem hemi mas tuwet.”

Pijin Bible

³⁹ Nao hemi prea moa, an hemi tok olsem, “God, plis yu no kros long mi, mi laek toktok moa long yu. Yu letem mi traem skin blong sipsip ya wanfala taem moa, bat distaem mi laekem yu fo mekem skin blong sipsip ya hemi drae, bat graon raonem hem hemi mas tuwet.”

Jajis 6:39 ပူးပေါင်းရင်းမြစ်များ

Jenesis 18:30

Bat Ebraham hemi tok moa olsem, “Yawe, plis yu no kros long mi, bat mi mas toktok moa ya. ?Waswe, sapos teti gudfala pipol nomoa hemi stap long hem, bae yu gohed fo spoelem taon ya nomoa?” An Yawe hemi tok olsem, “Sapos mi faendem wea teti gudfala pipol nomoa hemi stap, bae mi no save spoelem.”

Jenesis 18:32

Bat Ebraham hemi tok moa olsem, “Yawe, plis yu no kros. Hem nao hemi las toktok blong mi. Bae mi no tok moa. ?Waswe, sapos tenfala gudfala pipol nomoa hemi stap?” An Yawe hemi tok olsem long hem, “Sapos mi faendem tenfala gudfala pipol hemi stap, bae mi no save spoelem taon ya.”

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Matiu 21:43

So mi talem long yufala, bae yufala no save stap long kingdom blong God, bat bae olketa nara deferen pipol nao i save stap long hem, wea bae olketa save givim long God wanem hemi laekem nomoa.”

Matiu 8:12

Bat olketa pipol hu God hemi siusim olketa fastaem fo stap insaet long kingdom long Heven, bae hemi raosim olketa fo go aotsaet moa, go kasem ples wea hemi dak tumas. An long ples ya nao, bae olketa go-gohed fo krae nomoa an sore bikfala.”

Aposol 13:46

Bat Pol an Banabas tufala gohed strong nomoa fo talem olsem, “Mitufala mas talemaot toktok blong God long yufala fastaem. Bat from yufala agensim diswan, yufala somaot dat yufala i no fit fo garem disfala tru laef wea hemi no save finis. So mifala mas lusim yufala an go moa long olketa pipol hu i no Jiu.

Aposol 22:21

Nao Masta hemi tok olsem long mi moa, ‘!Yu go nao! Bae mi sendem yu go farawe go kasem olketa pipol hu i no Jiu.’”

Aposol 28:28

An Pol hemi sei moa, “From diswan nao yufala mas savegud, disfala toktok abaotem hao God hemi save sevem olketa pipol, God hemi givim go finis long olketa pipol hu i no Jiu. !An olketa nao bae i herem toktok ya!”

Jajis 6:38

Disfala samting hemi barava hapen nao olsem wanem hemi askem. Long moning, hemi lukim dat skin blong sipsip ya nomoa hemi tuwet. Hemi tekem skin ya an hemi skuisim, an wata wea hemi kamaot long hem hemi fulumap wanfala besin.

Jajis 6:40

Nao long naet ya, God hemi duim olsem wanem hemi askem. Skin blong sipsip ya hemi drae, bat graon raonem hemi barava tuwet.