Jajis 6:38 - Pijin Deuterocanon

³⁸ Disfala samting hemi barava hapen nao olsem wanem hemi askem. Long moning, hemi lukim dat skin blong sipsip ya nomoa hemi tuwet. Hemi tekem skin ya an hemi skuisim, an wata wea hemi kamaot long hem hemi fulumap wanfala besin.

Pijin Bible

³⁸ Disfala samting hemi barava hapen nao olsem wanem hemi askem. Long moning, hemi lukim dat skin blong sipsip ya nomoa hemi tuwet. Hemi tekem skin ya an hemi skuisim, an wata wea hemi kamaot long hem hemi fulumap wanfala besin.

Jajis 6:38 ပူးပေါင်းရင်းမြစ်များ

Aesaea 35:7

An ples long drae eria ya wea hemi garem hot sanbis nomoa long hem, bae bikfala leik nao hemi stap long hem. Long ravis ples wea olketa wael dog nomoa i stap long hem, bae deferen kaen longfala gras long wata nao hemi grou long hem.

Levitikas 1:15

Nao prist hemi mas tekem kam bed ya long olta, an liftimap kam frant long mi, an hemi mas skuisim nek blong hem fo hemi dae, an hemi mas tekemaot hed blong hem, an bonem hed ya long olta. Hemi mas mekem blad blong bed ya fo ranaot go long saet blong olta.

Jajis 6:37

Oraet, bae mi go putum wanfala skin blong sipsip long graon long ples wea mifala klinim sid blong flaoa fo kaikai. Sapos long moning, disfala skin blong sipsip hemi tuwet, bat graon raonem hemi drae nomoa, bae mi save dat yu laek fo yusim mi fo sevem pipol blong Israel.”

Jajis 6:39

Nao hemi prea moa, an hemi tok olsem, “God, plis yu no kros long mi, mi laek toktok moa long yu. Yu letem mi traem skin blong sipsip ya wanfala taem moa, bat distaem mi laekem yu fo mekem skin blong sipsip ya hemi drae, bat graon raonem hem hemi mas tuwet.”