Jajis 6:20 - Pijin Deuterocanon

²⁰ Enjel blong God hemi tok olsem long hem, “Oraet, yu putum mit wetem bred antap long disfala bikfala ston, an yu kapsaetem supsup antap long hem.” An Gidion hemi duim olsem.

Pijin Bible

²⁰ Enjel blong God hemi tok olsem long hem, “Oraet, yu putum mit wetem bred antap long disfala bikfala ston, an yu kapsaetem supsup antap long hem.” An Gidion hemi duim olsem.

Jajis 6:20 ပူးပေါင်းရင်းမြစ်များ

Jenesis 18:3

nao hemi tok olsem, “Trifala, hemi gud tumas wea yufala kam kasem ples blong mi. Plis yufala no go olowe, yufala kam res lelebet wetem mifala. Mi hapi tumas fo helpem yufala.

Jajis 13:15

Manoa no luksave nomoa wea man ya hemi Enjel blong Yawe, so hemi tok olsem long hem, “Plis, yu stap lelebet fastaem. Bae mitufala go kukim wanfala yang nanigot fo yu kaikaim.” Bat Enjel ya hemi tok olsem, “Nomata mi stap wetem yutufala fo lelebet taem, bae mi no save kaikaim disfala kaikai wea yutufala mekem. Bat sapos yutufala laek fo mekem, oraet, bae yutufala save bonem nomoa fo mekem sakrifaes go long Yawe.”

Jajis 13:19

Oraet, Manoa hemi go tekem wanfala yang nanigot wetem bred, an hemi kam bonem antap long wanfala bikfala ston fo mekem sakrifaes long Yawe. Taem faea ya hemi laet antap long ston, Yawe hemi duim wanfala bikfala samting. Tufala lukim dat faea hemi laet goap long skae an disfala Enjel blong Yawe hemi go insaet long laet blong faea nao. So Manoa jes save dat man ya hemi barava Enjel blong Yawe. Tufala fraet tumas so tufala foldaon long graon an haedem fes blong tufala. An bihaen, tufala no lukim moa Enjel ya.

Jajis 6:19

So Gidion hemi go, an hemi kilim dae wanfala yangfala nanigot an kukim. Hemi tekem baeg flaoa an wakem bred wea hemi no garem yist long hem. Hemi putum mit ya long wanfala basket, an hemi putum supsup blong hem long wanfala sospen. Den hemi karim kam olketa kaikai long Enjel long ok tri an givim long hem.

Jajis 6:21

Enjel blong Yawe hemi pusum en blong wokingstik wea hemi holem, go long mit an bred ya. Taem wokingstik ya hemi tasim nomoa, faea hemi laet long ston ya an hemi barava bonem olketa samting ya. An semtaem nomoa, Gidion hemi no lukim nao Enjel blong Yawe.