Jajis 3:31 - Pijin Deuterocanon

³¹ Bihaen moa, Samga, san blong Anat, hemi sevem tu pipol blong Israel. Hemi sevem olketa olsem taem hemi kilim dae 600 man blong Filistia long wanfala sap stik wea olketa yusim fo lidim olketa buluka.

Pijin Bible

³¹ Bihaen moa, Samga, san blong Anat, hemi sevem tu pipol blong Israel. Hemi sevem olketa olsem taem hemi kilim dae 600 man blong Filistia long wanfala sap stik wea olketa yusim fo lidim olketa buluka.

Jajis 3:31 ပူးပေါင်းရင်းမြစ်များ

1 Korin 1:17

Kraes hemi sendem mi fo waka fo talemaot Gudnius, an hemi no sendem mi fo baptaesim pipol nomoa. An mi no save talemaot Gudnius long diskaen wei blong olketa man hu i save kleva tumas, nogud disfala dae blong Kraes long kros hemi kamap samting nating nomoa.

Jajis 10:11

Yawe hemi ansarem olketa olsem, “Bifoa kam, laen blong Ijip, an laen blong Amoa, an laen blong Amon, an laen blong Filistia,

Jajis 10:17

Oraet, laen blong Amon i mekredi fo faet, an olketa kam an stap long lan blong Gilead. An pipol blong Israel i kam tugeta tu long Mispa.

Jajis 10:7

So, Yawe hemi kros tumas long olketa, an hemi letem laen blong Filistia long west an laen blong Amon long ist fo faetem olketa.

Jajis 15:15

Den Samson hemi lukim wanfala bon blong maos blong dongki wea hemi jes dae, so hemi pikimap an yusim fo kilim dae 1,000 soldia blong Filistia.

Jajis 2:16

Yawe hemi givim samfala sif fo sevem pipol blong Israel from han blong olketa enemi blong olketa.

Jajis 3:30

Long datfala taem hem nao wei wea pipol blong Israel i winim laen blong Moab. So lan blong pipol blong Israel i stap long piis fo eiti yia.

Jajis 4:1

Taem Ehud hemi dae finis, pipol blong Israel i gohed fo duim olketa nogud samting long ae blong Yawe.

Jajis 5:6

“Long taem blong Samga, san blong Anat, an long taem blong Jael, olketa pipol laek fo falom olketa smolfala rod nomoa, bikos olketa bikfala rod i no sef.

Jajis 5:8

Taem pipol blong Israel i siusim olketa narafala god, faet hemi kamap, bat no eniwan long olketa 40,000 soldia blong Israel hemi garem spia o sil fo faet.

1 Samuel 12:9

Bat nomata olsem, olketa nating tingabaotem Yawe God blong olketa. So hemi letem king blong Moab wetem ami blong hem fo faetem an winim olketa. Bihaen, hemi letem Sisera wetem ami from Hasoa fo kam faetem olketa. An bihaen, hemi letem moa ami blong Filistia fo winim olketa.

1 Samuel 17:47

An evri man long disfala ples bae lukim olsem Yawe hemi no nidim naef fo faet o spia fo gadem olketa pipol blong hem. Hemi garem paoa fo winim faet, an bae hemi putum yufala evriwan long han blong mifala.”

1 Samuel 17:50

Hem nao, nomata Deved hemi no garem naef fo faet, hemi yusim sling an ston nomoa fo winim faet long Golaeat.

1 Samuel 4:1

An taem Samuel hemi toktok, evriwan long laen blong Israel i lisin long hem. Wanfala taem, olketa man blong Israel i go fo faet agensim olketa man blong Filistia. Olketa blong Israel i putumap olketa haostent blong olketa long ples long Ebeneser an olketa blong Filistia i stap long taon long Afek.