Jajis 21:14 - Pijin Deuterocanon

¹⁴ An taem olketa blong Benjamin i kam, olketa blong Israel i tekem olketa gele blong Jabes-Gilead an givim go long olketa. Bat olketa man long traeb blong Benjamin i plande tumas so namba blong olketa gele ya hemi no kasem namba blong olketa man.

Pijin Bible

¹⁴ An taem olketa blong Benjamin i kam, olketa blong Israel i tekem olketa gele blong Jabes-Gilead an givim go long olketa. Bat olketa man long traeb blong Benjamin i plande tumas so namba blong olketa gele ya hemi no kasem namba blong olketa man.

Jajis 21:14 ပူးပေါင်းရင်းမြစ်များ

1 Korin 7:2

Bat bikos plande pipol tumas olketa i olobaot nomoa, hemi moabeta fo evri man hemi garem waef blong hem seleva, an fo evri woman hemi garem hasban blong hem seleva nomoa.

Jajis 20:47

Bat wea, 600 soldia long traeb blong Benjamin nomoa i ranawe go long drae eria fo haed long bikfala ston long Rimon. Olketa stap fo fofala mans long ples ya.

Jajis 21:12

Olketa go faet an olketa faendem 400 yang gele long Jabes-Gilead, an olketa tekem olketa kambaek long ples long Saelo long Kenan, wea olketa blong Israel i stap long hem.

Jajis 21:13

Long datfala taem, olketa traeb blong Israel i sendem go toktok long olketa man blong traeb blong Benjamin wea i haed yet long bikfala ston long Rimon. Olketa talem traeb blong Benjamin dat olketa laekem piis moa.

Jajis 21:15

Oraet, olketa traeb blong Israel i sore yet long traeb blong Benjamin, bikos Yawe hemi kolsap finisim wanfala traeb blong Israel.

Jajis 21:22

Sapos olketa dadi o brata blong olketa i kam fo komplen long mifala, bae mifala save tok olsem long olketa, ‘Plis yufala tingim olketa traeb blong Israel an letem olketa gele ya i stap wetem traeb blong Benjamin. Hemi mas olsem, bikos long faet agensim Jabes-Gilead, yumi no tekem inaf gele mekem yumi givim long evri man ya. An bikos yufala nating givim olketa gele go long traeb blong Benjamin, yufala nating brekem tambu promis wea yumi mekem finis.’”

Jajis 21:8

Yu save, olketa bin ask olsem, “?Long taem yumi kam tugeta frant long Yawe long Mispa, hu nao long olketa traeb blong yumi hemi no kam joen wetem yumi?” So taem olketa kaontem evriwan olketa faendemaot wea olketa man blong Jabes-Gilead long saet go long Jodan riva nao i no kam fo joenem olketa.