Jajis 20:37 - Pijin Deuterocanon

^37-39 Fastaem, olketa bin mekem wanfala plan. Plan ya hemi olsem, taem haf blong olketa hu i bin haed i go insaet long taon ya, olketa mas bonem taon ya mekem smok hemi go antap. Taem disfala narafala grup wea bae hem gohed fo laea fo ranawe hemi lukim smok, olketa mas taneraon an faetem ami blong Benjamin. Oraet, long taem olketa no bonem taon ya yet, ami blong Benjamin hemi kilim dae samting olsem tetifala man long ami blong Israel. An yu save olketa bin singaot olsem, “!Distaem yumi winim olketa moa, olsem wea yumi bin duim fastaem!” Bat, olketa wea i haed i getap kuiktaem an go insaet long taon ya. Olketa go evriwea long insaet an kilim dae olketa pipol an bonem taon ya.

Pijin Bible

^37-39 Fastaem, olketa bin mekem wanfala plan. Plan ya hemi olsem, taem haf blong olketa hu i bin haed i go insaet long taon ya, olketa mas bonem taon ya mekem smok hemi go antap. Taem disfala narafala grup wea bae hem gohed fo laea fo ranawe hemi lukim smok, olketa mas taneraon an faetem ami blong Benjamin. Oraet, long taem olketa no bonem taon ya yet, ami blong Benjamin hemi kilim dae samting olsem tetifala man long ami blong Israel. An yu save olketa bin singaot olsem, “!Distaem yumi winim olketa moa, olsem wea yumi bin duim fastaem!” Bat, olketa wea i haed i getap kuiktaem an go insaet long taon ya. Olketa go evriwea long insaet an kilim dae olketa pipol an bonem taon ya.

Jajis 20:37 ပူးပေါင်းရင်းမြစ်များ

Eksodas 19:13

Olketa mas sutim hem dae long ston o long aro, mekem no eniwan mas tasim hem. Nomata man o animol hemi tasim maonten ya, hemi mas dae. Bat bihaen taem wea olketa herem wanfala spesol saen nomoa wea trampet hemi krae fo longtaem, bae olketa save kamap long maonten ya.”

Josua 6:5

Taem yufala herem dat olketa bloum olketa trampet long taem tumas, long semtaem nomoa, yufala evriwan i mas singaot bikfala. Long taem ya, bikfala wolston blong taon ya bae hemi brek an hemi foldaon nao. An evri soldia blong yu mas go stret insaet long taon ya nao.”

Josua 8:13

Long datfala naet, Josua wetem bikfala haf long olketa soldia i redi long vali wea hemi stap long not saet, kolsap long taon ya. Olketa narafala soldia i stanbae long west saet long taon ya.

Josua 8:14

Taem paramaon sif blong Ai hemi lukim olketa, kuiktaem nomoa, hem wetem ami blong hem i kamaot nao fo faetem olketa long rod wea hemi godaon long Jodan Riva. Disfala sem ples ya tu olketa bin faet long hem fastaem. Bat hemi nating save dat olketa soldia blong Josua i redi fo faet kam bihaen long taon ya.

Josua 8:19

Taem hemi liftimap spia blong hem nomoa, olketa narafala soldia wea i haed bihaen long taon ya i ran go an tekova long taon ya, an bonem nao.