Jajis 20:31 - Pijin Deuterocanon

³¹ Oraet, ami blong Benjamin hemi kamaot long Gibea fo faet. Olketa ronem ami blong Israel an gohed fo kilim olketa olsem wea olketa bin duim fastaem. An olketa kilim dae tetifala soldia blong Israel long olketa open ples an falom tufala rod wea i go long Gibea an Betel.

Pijin Bible

³¹ Oraet, ami blong Benjamin hemi kamaot long Gibea fo faet. Olketa ronem ami blong Israel an gohed fo kilim olketa olsem wea olketa bin duim fastaem. An olketa kilim dae tetifala soldia blong Israel long olketa open ples an falom tufala rod wea i go long Gibea an Betel.

Jajis 20:31 ပူးပေါင်းရင်းမြစ်များ

Aesaea 10:29

Olketa krosim dip vali ya an slip long Geba. Rama hemi wanfala taon wea hemi barava kolsap long Geba, an olketa blong taon ya i fraet fogud. Olketa pipol blong taon long Gibea, wea hemi taon blong King Sol bifoa, evriwan ranawe nao.

Josua 7:5

Olketa man blong Ai i stat long geit long bikfala wolston blong taon ya an ronem olketa go-go kasem wanfala hil wea olketa digim ston long hem. An taem olketa ronem olketa kamdaon long hil ya, olketa kilim dae teti-siks long olketa soldia blong Josua. Olketa blong Israel i fraet fogud long olketa man ya, an tingting blong olketa hemi barava wikdaon finis nao.

Josua 8:17

Evri man blong Ai an Betel nao i gohed fo ronem olketa blong Israel, an no eni man nao hemi stap fo gadem tufala taon ya, an olketa geit blong tufala taon ya i open nomoa.

Jajis 20:30

Long mektri de fo faet, olketa narafala soldia i go fo faetem traeb blong Benjamin. Olketa stap moa long sem ples wea olketa bin faet long hem fastaem.

Jajis 20:32

An olketa long ami blong Benjamin i singaotem olsem, “!Distaem yumi winim olketa moa olsem yumi duim fastaem!” Bat olketa long Israel i plan finis fo laea fo ranawe, mekem ami blong Benjamin hemi ran goaot farawe falom rod from taon ya.