Jajis 19:17 - Pijin Deuterocanon

¹⁷ Nao olo ya hemi lukim olketa sidaon long eria blong maket, an hemi luksave dat olketa i strensa. So hemi askem olketa olsem, “?Wea nao yufala kam from? ?Bae yufala go long wea nao ya?”

Pijin Bible

¹⁷ Nao olo ya hemi lukim olketa sidaon long eria blong maket, an hemi luksave dat olketa i strensa. So hemi askem olketa olsem, “?Wea nao yufala kam from? ?Bae yufala go long wea nao ya?”

Jajis 19:17 ပူးပေါင်းရင်းမြစ်များ

Jenesis 16:8

an hemi askem hem olsem, “!Haga! ?Yu stat kam long wea ya? ?An yu go wea nao ya? !Yu slev gele blong Sarae ya!” An Haga hemi tok olsem, “Mi ranawe from bos blong mi Sarae ya.”

Jenesis 32:17

Nao hemi tok olsem long man ya hemi gohed fo lukaftarem olketa nanigot, “Sapos brata blong mi hemi mitim yu long rod, an hemi askem yu olsem, ‘?Yu go wea ya? ?Olketa nanigot ya i blong hu ya? ?Hu nao Masta blong yu?’

2 Samuel 12:4

“Oraet, wanfala de, wanfala strensa hemi kasem haos blong risman ya. Bat disfala risman hemi no laek fo kilim dae wanfala animol fo mekem kaikai fo strensa ya. So hemi go tekem smolfala sipsip blong puaman ya, an hemi kilim dae an mekem kaikai fo strensa wea hemi kam long haos blong hem.”

Aesaea 33:8

No eniwan hemi falom nao olketa rod long kantri ya bikos hemi nating sef nao fo wakabaot falom. An olketa brekem finis evri agrimen wea olketa mekem wetem olketa pipol long narafala kantri, an no eniwan hemi save tinghae moa long olketa pipol hu i kipim promis ya.

Jeremaea 14:8

Yu nao God wea mifala long Israel save dipen long hem. An long taem wea trabol hemi kasem mifala, yu nao God hu hemi sevem mifala. ?So waswe nao yu olsem wanfala strensa long ples blong mifala? ?Waswe nao yu olsem wanfala man fo wakabaot, wea hemi kam stap wanfala naet nomoa, nao long neks de, hemi go moa?

Jajis 19:16

Taem olketa gohed fo sidaon, wanfala oloman hemi kam, hemi jes kambaek from gaden. Olo ya bin kam from olketa maonten long lan blong Efrem an hemi stap finis long Gibea. Bat evriwan moa long taon ya i long traeb blong Benjamin.

Jajis 19:18

So man ya hemi tok olsem, “Mifala bin go long Betlehem long Jiuda, an distaem, mifala go fastaem long tambu haostent blong Yawe. Hom blong mifala hemi long bus long olketa maonten long lan blong Efrem. Mifala wande fo slip long hia, bat no eniwan hemi askem mifala fo go long haos blong hem.