Jajis 19:16 - Pijin Deuterocanon

¹⁶ Taem olketa gohed fo sidaon, wanfala oloman hemi kam, hemi jes kambaek from gaden. Olo ya bin kam from olketa maonten long lan blong Efrem an hemi stap finis long Gibea. Bat evriwan moa long taon ya i long traeb blong Benjamin.

Pijin Bible

¹⁶ Taem olketa gohed fo sidaon, wanfala oloman hemi kam, hemi jes kambaek from gaden. Olo ya bin kam from olketa maonten long lan blong Efrem an hemi stap finis long Gibea. Bat evriwan moa long taon ya i long traeb blong Benjamin.

Jajis 19:16 ပူးပေါင်းရင်းမြစ်များ

Jenesis 3:19

Bae yu gohed fo waka had tumas, an yu gohed fo suet, fo mekem graon ya hemi garem kaikai, go-go kasem taem wea bodi blong yu bae hemi gobaek moa long graon ya wea mi bin wakem yu long hem. Mi bin wakem yu long graon ya, an bae yu gobaek moa long hem.”

Sams 104:23

Olketa pipol i go fo duim waka blong olketa go-go kasem ivining.

Sams 128:2

Sapos yu gohed fo duim olsem, bae waka blong yu hemi save helpem yu, an bae yu garem gudfala laef an yu hapi olowe.

Provebs 13:11

Seleni man garem kuiktaem long kon, hemi lus kuiktaem. Seleni man garem long hadwaka, hemi save kamap bik.

Provebs 14:23

Wakahad an bae yu garem gud samting, tok nating an bae yu garem nating.

Provebs 24:27

Fastaem, wakem gaden. Bihaen, wakem haos.

Eklesiastes 1:13

Mi bin yusim save an waes blong mi fo faendemaot wanem pipol i duim long disfala wol. An mi lukim dat disfala laef God hemi givim long yumi, hemi barava hevi tumas.

Eklesiastes 5:12

Wakaman wea hemi gohed fo waka strong olowe, maet hemi kaikai lelebet nomoa o hemi kaikai go-go hemi fulap, bat hemi save barava slip gudfala long naet. Bat eni risman, hemi nating save slip long naet, bikos hemi wari tumas long evrisamting wea hemi garem.

Hosia 9:9

Oltaem, yufala gohed nomoa fo duim olketa nogud samting. Wei blong yufala hemi sem nomoa olsem nogud wei blong olketa grani blong yumi bifoa taem olketa stap long Gibea. Bae Yawe hemi no save fogetem disfala nogud wei blong yufala, an from diswan nao, bae hemi panisim yufala.

Efesas 4:28

Man hu i save stil olowe, hemi mas finis from diskaen wei an stat fo waka gudfala. Hemi mas duim olketa gudfala samting long han blong hem, mekem hemi save helpem olketa hu i pua.

2 Tesalonaeka 3:10

Taem mifala stap tugeta wetem yufala yet, mifala talem finis long yufala olsem, “Sapos eni man hemi les fo duim waka, yufala mas no givim eni kaikai long hem.”

Jajis 19:1

Long taem wea pipol blong Israel i no garem king yet, wanfala man long traeb blong Livae hemi stap long bus long olketa maonten long lan blong Efrem. Hemi garem wanfala woman blong Betlehem long Jiuda.

Jajis 19:14

Olketa go moa an olketa kam kolsap long Gibea, wanfala taon blong traeb blong Benjamin. An san hemi go-godaon nao.

Jajis 19:15

Oraet, olketa go insaet long taon ya fo faendem ples fo slip. Olketa go sidaon long eria blong maket an olketa weit nomoa fo eni man blong taon ya fo kam an tekem olketa go long haos blong hem.

Jajis 19:17

Nao olo ya hemi lukim olketa sidaon long eria blong maket, an hemi luksave dat olketa i strensa. So hemi askem olketa olsem, “?Wea nao yufala kam from? ?Bae yufala go long wea nao ya?”