Jajis 16:30 - Pijin Deuterocanon

³⁰ Long semtaem hemi singaot bikfala olsem, “!Nomata mi dae, letem olketa blong Filistia dae!” Den hemi yusim paoa blong hem, an hemi pusumaot tufala pos ya, nao Tambuhaos hemi foldaon antap long olketa sif wetem evriwan insaet long hem. Long taem wea Samson hemi dae, hemi kilim dae plande pipol moa winim olketa wea hemi bin kilim dae long taem wea hemi laef.

Pijin Bible

³⁰ Long semtaem hemi singaot bikfala olsem, “!Nomata mi dae, letem olketa blong Filistia dae!” Den hemi yusim paoa blong hem, an hemi pusumaot tufala pos ya, nao Tambuhaos hemi foldaon antap long olketa sif wetem evriwan insaet long hem. Long taem wea Samson hemi dae, hemi kilim dae plande pipol moa winim olketa wea hemi bin kilim dae long taem wea hemi laef.

Jajis 16:30 ပူးပေါင်းရင်းမြစ်များ

Jenesis 3:15

Bae mi mekem yu an woman ya, fo yutufala no laekem yutufala, an bae yutufala gohed fo agensim yutufala. Pikinini wea bae hemi kamaot bihaen long yu, an pikinini wea bae hemi kamaot bihaen long woman ya, bae tufala gohed fo enemi long tufala. Nao pikinini blong hem ya bae hemi gohed fo brekem hed blong yu, an yu bae yu gohed fo baetem bihaen long lek blong hem.”

Stori abaotem Job 20:5

ravis pipol i save hapi fo lelebet taem nomoa.

Stori abaotem Job 31:3

Hemi sendem bikfala trabol fo kasem olketa ravis man. Ya, bae hemi gohed fo spoelem olketa hu i gohed fo durong.

Sams 62:3

Mi no strong ya, mi olsem haos wea hemi roten finis an hemi kolsap foldaon nao. ?Fo hao long nao bae yufala evriwan i gohed fo faetem mi?

Eklesiastes 9:12

Yumi nating save long taem wea trabol bae kasem yumi. Olsem wea fis hemi pas insaet long net, o bed hemi pas insaet long trap, yumi tu, trabol bae hemi kasem yumi long taem wea yumi no tingim, so hemi olsem wea yumi insaet long trap.

Matiu 16:25

Eniwan hu hemi wande fo sevem laef blong hem seleva, bae hemi lusim tru laef blong hem ya. Bat eniwan hu hemi lusim laef blong hem fo mi, bae hem nao hemi sevem tru laef blong hem ya.

Aposol 20:24

Bat laef blong mi nao hemi olsem samting nating nomoa long mi ya. Wanem hemi bikfala nao, hemi fo mi mas go-gohed an barava finisim disfala waka wea Jisas Masta blong yumi, hemi givim long mi fo duim. An waka ya nao hemi fo talemaot disfala Gudnius abaotem kaenfala lav blong God.

Aposol 21:13

Bat Pol hemi tok olsem, “?Waswe nao yufala krae an mekem mi sore tumas? Mi redi nomoa fo olketa taemapem mi, an mi redi tu fo mi dae long Jerusalem, sapos diswan hemi haemapem nem blong Jisas Masta blong yumi.”

Filipae 2:17

Biliv blong yufala hemi olsem wanfala sakrifaes wea yumi ofarem go long God. Nao sapos olketa kilim mi dae, an blad blong mi hemi kapsaet olsem waen blong ofaring wea hemi joen tugeta wetem biliv blong yufala, bae mi hapi nomoa tugeta wetem yufala evriwan long diswan.

Filipae 2:30

bikos hemi kolsap dae taem hemi waka fo Kraes. Hemi nating wari sapos hemi lusim laef blong hem, taem hemi helpem mi long wei wea hemi had long yufala fo helpem mi long hem.

Filipae 2:8

an hemi barava olsem wanfala man blong wol nomoa. Hemi hambol tumas an hemi obeim God olowe, go-go hemi dae taem olketa nilam hem long wanfala kros.

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.

1 Tesalonaeka 5:2

Bikos yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet.

Jajis 14:19

Spirit blong Yawe hemi kam long hem, an hemi mekem hemi barava strong moa, nao hemi godaon long taon long Askelon. An long ples ya, hemi kilim dae tetifala man an tekemaot olketa spesol kaleko blong olketa. Bihaen, hemi gobaek long Timna an hemi givim olketa kaleko ya long olketa man hu i talemaot ansa blong tokhaed ya. Hemi barava kros fogud from disfala samting, so hemi gobaek long ples blong dadi blong hem.

Jajis 15:15

Den Samson hemi lukim wanfala bon blong maos blong dongki wea hemi jes dae, so hemi pikimap an yusim fo kilim dae 1,000 soldia blong Filistia.

Jajis 15:8

So hemi faetem olketa go-go hemi kilim dae staka long olketa. An bihaen, hemi lusim eria blong Filistia an go fo haed long kev long ples long Etam.

Jajis 16:29

Oraet, hemi putum wanfala han long wanfala long tufala pos wea i holemap Tambuhaos an hemi putum narafala han long mektu pos blong Tambuhaos ya.

Jajis 16:31

Bihaen, olketa wantok blong hem i karim gobaek bodi blong hem an berem hem long ples wea olketa bin berem dadi blong hem, Manoa. Ples ya hemi stap long midol long tufala taon long Sora an Estaol. Samson hemi lidim pipol blong Israel fo tuenti yia.