Jajis 16:27 - Pijin Deuterocanon

²⁷ Nao disfala Tambuhaos hemi barava fulap long olketa man an olketa woman, an evri sif tu i stap wetem olketa. An long levol ruf blong Tambuhaos, samting olsem 3,000 man an woman moa i gohed fo lukluk kamdaon long Samson. An olketa gohed fo mekfan long hem.

Pijin Bible

²⁷ Nao disfala Tambuhaos hemi barava fulap long olketa man an olketa woman, an evri sif tu i stap wetem olketa. An long levol ruf blong Tambuhaos, samting olsem 3,000 man an woman moa i gohed fo lukluk kamdaon long Samson. An olketa gohed fo mekfan long hem.

Jajis 16:27 ပူးပေါင်းရင်းမြစ်များ

2 Samuel 11:2

Nao long wanfala de, king hemi slip long aftanun an hemi wekap. Den hemi wakabaot antap long levol ruf long bikfala haos blong hem, fo filim freswin. An taem hemi stap long ples ya, hemi luk godaon long wanfala woman wea hemi gohed fo suim. Woman ya hemi barava naesbola tumas.

Diutronomi 22:8

“Taem yufala wakem wanfala haos wea ruf blong hem hemi ples fo go res long hem, yufala mas mekem reil hemi goraon long ruf ya. Yufala mas duim olsem mekem no eniwan save foldaon from hem an dae, bikos sapos hemi dae yufala nao yufala fitim fo garem panis long hem.

Josua 2:8

Taem tufala man ya i no slip yet, Rehab hemi go lukim tufala,

Jajis 16:26

Samson hemi tok olsem long yangfala man hu hemi gadem hem, “Mi wande holem tufala bikfala pos blong Tambuhaos bikos mi laek res lelebet.”

Jajis 16:28

Go-go, Samson hemi prea olsem, “Lod Yawe, Masta blong mi, plis yu tingim mi moa. God, plis yu mekem mi kamap strong wanfala taem moa. Olketa pipol blong Filistia i aotem finis tufala ae blong mi, so mi laekem yu fo sensimbaek wanem olketa bin duim.”

Jajis 9:51

Insaet long taon ya wanfala strong gadhaos nao hemi stap. Long datfala taem, olketa man an woman blong ples ya wetem olketa bikman i go haed long datfala gadhaos. Taem olketa go insaet long gadhaos ya, olketa barava lokem doa blong hem, an olketa go stap antap long hem.