Jajis 16:23 - Pijin Deuterocanon

²³ Bihaen, olketa sif blong Filistia i kam tugeta fo mekem fist. An olketa mekem bikfala sakrifaes long Dagon hu hemi god blong olketa. Olketa singsing olsem, “!Distaem, god blong yumi hemi mekem yumi winim disfala enemi Samson!”

Pijin Bible

²³ Bihaen, olketa sif blong Filistia i kam tugeta fo mekem fist. An olketa mekem bikfala sakrifaes long Dagon hu hemi god blong olketa. Olketa singsing olsem, “!Distaem, god blong yumi hemi mekem yumi winim disfala enemi Samson!”

Jajis 16:23 ပူးပေါင်းရင်းမြစ်များ

1 Kronikols 10:10

Bihaen, olketa putum olketa samting fo faet blong Sol long tambuhaos blong olketa god blong olketa, an olketa hangem hed blong hem long tambuhaos blong god olketa kolem Dagon.

Provebs 24:17

Yu no hapi taem enemi blong yu i garem trabol. Yu no filgud taem hemi bagarap.

Jeremaea 2:11

?Eni pipol bin sensim god blong olketa fo narafala god wea hemi no blong olketa? !Nomoa nao! Nomata olketa god ya i laea nomoa, bat olketa pipol kanduit lusim olketa. Yufala ya nao i barava pipol blong mi, an mi barava hae moa winim evri narafala god nao. Bat yufala i lusim mi finis an gohed nomoa fo falom olketa narafala god ya, wea i no save helpem yufala.

Maeka 4:5

Olketa pipol blong disfala wol i gohed nomoa fo wosipim an obeim olketa god blong olketa. Bat nomata olsem, Yawe nao hemi God blong yumi, an bae yumi gohed fo wosipim hem an obeim hem olowe nao.

1 Korin 10:20

!Nomoa ya! Bat wanem olketa hu i no biliv long God olketa save sakrifaesim, olketa sakrifaesim go long olketa devol nao ya, an hemi no long God. An mi no laekem yufala fo joen wetem olketa devol.

Jajis 16:22

Yu save, taem hemi stap long prisin, hea blong hem hemi stat fo grou moa.

1 Samuel 31:9

Den olketa katemaot hed blong king, an olketa tekem olketa kaleko fo faet blong hem. An olketa sendem samfala man long evri ples long Filistia fo talemaot nius ya long olketa tambuhaos blong olketa tambu kaving blong olketa, an long olketa pipol blong olketa.