Jajis 15:15 - Pijin Deuterocanon

¹⁵ Den Samson hemi lukim wanfala bon blong maos blong dongki wea hemi jes dae, so hemi pikimap an yusim fo kilim dae 1,000 soldia blong Filistia.

Pijin Bible

¹⁵ Den Samson hemi lukim wanfala bon blong maos blong dongki wea hemi jes dae, so hemi pikimap an yusim fo kilim dae 1,000 soldia blong Filistia.

Jajis 15:15 ပူးပေါင်းရင်းမြစ်များ

2 Samuel 23:8

Olketa nambawan soldia blong King Deved i olsem: Faswan, nem blong hem, Jes-Baal long laen blong Hakmon. Man ya, hemi sif long trifala nambawan soldia. Hemi bin yusim spia blong hem fo kilim dae 800 soldia long wanfala faet.

Levitikas 26:7

An bae yufala save ronemaot olketa enemi blong yufala an kilim olketa dae.

Levitikas 26:8

Faefala man blong yufala nomoa bae i save ronemaot 100 man blong olketa enemi, an 100 man blong yufala nomoa bae i save ronemaot 10,000 man blong olketa enemi, an kilim olketa dae.

Hibrus 11:34

an olketa kilim faea wea i bone bik tumas, an olketa naef fo faet blong enemi hemi no save kasem olketa. Nomata olketa wik tumas fastaem, olketa i strong go moa bihaen, an olketa strong tumas long olketa faet, an olketa winim olketa ami blong olketa narafala kantri.

Josua 23:10

Sapos 1,000 man nao i laek fo kilim yufala dae, oraet, wanfala man long yufala nomoa hemi save ronem olketa, bikos Yawe hemi saet wetem yufala barava olsem wea hemi bin promisim finis fo yufala.

Jajis 15:16

Nao hemi singsing olsem, “Long bon blong maos blong dongki, mi hipimap plande man ya. Long bon blong maos blong dongki, mi kilim 1,000 soldia.”

Jajis 15:17

Bihaen, hemi torowem bon ya. Dastawe olketa kolem ples ya Hil blong Lehi.

Jajis 3:31

Bihaen moa, Samga, san blong Anat, hemi sevem tu pipol blong Israel. Hemi sevem olketa olsem taem hemi kilim dae 600 man blong Filistia long wanfala sap stik wea olketa yusim fo lidim olketa buluka.

Jajis 4:21

Nao Sisera hemi barava taet fogud, an hemi dip slip. Bat wea, Jael hemi go tekem wanfala hama wetem wanfala sotfala sap stik blong haostent. An hemi wakabaot isi go kolsap long ples wea man ya hemi slip. Den hemi hamarem stik ya go insaet long hed blong hem go-go hemi kamaot long graon. So man ya dae nao.

Jajis 7:16

Den Gidion hemi divaedem 300 man blong hem long trifala grup, an hemi givim trampet an pot wea olketa wakem long graon long olketa evriwan. Evriwan i garem laet wea hemi gohed fo bone insaet long pot.

1 Samuel 14:14

Long disfala fas faet ya, tufala kilim dae samting olsem tuenti soldia insaet long smol eria nomoa.

1 Samuel 14:6

Oraet, Jonatan hemi tok olsem long yangfala soldia wetem hem, “Bae yumitufala gotru long narasaet fo kasem olketa hiden man wea i no kate. Maet Yawe hemi helpem yumi. An sapos hemi help, nomata yumitufala nomoa, o yumi plande, no enisamting save stopem Yawe fo mekem yumitufala winim faet ya.”