Hosia 12:14 - Pijin Deuterocanon

¹⁴ Bat distaem yufala long laen blong olketa ya i mekem Yawe hemi kros fogud. Yufala gohed fo falom barava ravis wei, bat bae hemi kasem taem wea bae Yawe hemi sensimbaek moa disfala samting long yufala. Ya, bae hemi panisim yufala, bikos yufala gohed fo tokspoelem hem an sin agensim hem.

Pijin Bible

¹⁴ Bat distaem yufala long laen blong olketa ya i mekem Yawe hemi kros fogud. Yufala gohed fo falom barava ravis wei, bat bae hemi kasem taem wea bae Yawe hemi sensimbaek moa disfala samting long yufala. Ya, bae hemi panisim yufala, bikos yufala gohed fo tokspoelem hem an sin agensim hem.

Hosia 12:14 ပူးပေါင်းရင်းမြစ်များ

Esikiel 18:10

“Oraet, tingim dat disfala man hu hemi stret an no duim olketa ravis samting, hemi garem wanfala san hu hemi raf tumas an hemi nating falom stretfala wei blong hem, an hemi gohed fo stil, an hemi kilim man dae. Hemi gohed fo kaikaim mit wea olketa sakrifaesim long olketa ples fo wosip antap long olketa maonten, an hemi gohed fo slip wetem waef blong wantok.

Esikiel 18:13

Hemi gohed fo givim seleni long narafala man fo winim bikfala intres long hem. ?Waswe, bae man olsem save gohed fo laef nomoa? !Nomoa nao! !Bae hemi mas dae! Hemi gohed fo duim olketa ravis samting ya, an bae hemi mas dae. Bat rong blong hem seleva nomoa bae hemi mekem hem dae.

Esikiel 33:5

Hemi olsem bikos hemi herem trampet ya fo wonem olketa, bat hemi no tinghevi nomoa long hem. Sapos hemi bin lisin long woning long trampet ya an ranawe, hemi save sevem nomoa laef blong hem, bat hemi no duim.

Daniel 11:18

Bihaen long taem ya, bae king ya blong Siria hemi faet agensim olketa kantri ya kolsap long solwata, an bae hemi tekova long plande long olketa. Bat wanfala lida blong narafala kantri bae hemi winim hem, nao praod blong hem bae hemi finis. Lida ya bae hemi daonem paoa blong hem, an bae hemi no save praod tumas moa.

Hosia 4:2

Oltaem yufala mekem strongfala promis, bat yufala nating kipim. Yufala save laea tumas, an yufala save kilim man dae, an yufala save stil, an yufala save brekem lo blong marit. Oltaem yufala gohed fo brekem Lo blong mi, an yufala gohed nomoa fo mekem olketa narafala pipol safa.

Hosia 7:16

Oltaem olketa aftarem evri narafala god, bat olketa nating lukap kam nomoa long mi. Olketa nating save falom stretfala wei blong mi. Olketa olsem nomoa bou wea man no save sut stret long hem. Bikos evri lida blong olketa i haemapem olketa seleva tumas, bae evriwan long olketa mas dae long faet. Olketa pipol blong Ijip bae i laf fogud long olketa from diswan.”

Maeka 6:16

Olketa samting ya bae hemi kasem yufala, bikos yufala gohed fo falom olketa ravis wei blong tufala king ya, King Omri an san blong hem King Ehab. Hem nao bae mi spoelem disfala taon, an evri pipol long wol bae olketa tingdaonem yufala an tokspoelem yufala.”

Diutronomi 18:15

Bae hemi sendem wanfala profet olsem mi fo kam long yufala. Disfala profet hemi wanfala wantok blong yufala, an bae yufala mas obeim hem.

Diutronomi 18:18

So bae mi mekem wanfala profet olsem yu fo kamap, an bae hemi wantok blong olketa. Bae mi talem olketa toktok blong mi long hem, den bae hemi talemaot olketa toktok ya long olketa.

Diutronomi 28:37

Nao long datfala ples wea Yawe bae hemi ronemaot yufala go long hem, olketa pipol bae i les fo lukim yufala, an bae olketa tokspoelem yufala, an olketa toksuea long yufala.

1 Samuel 2:30

“Dastawe nao mi Yawe God blong Israel, mi tok olsem: Bifoa, mi promisim olo blong yu Eron olsem evriwan long laen blong hem bae i prist fo duim waka blong mi fo evritaem olowe. !Bat wea, distaem, mi talem stret long yufala, disfala promis hem finis nao fo olketa pikinini blong yu! Distaem, man hu hemi tinghae long mi, bae mi tinghae long hem. Bat man hu hemi les long mi, bae mi les long hem tu.