Hibrus 3:2 - Pijin Deuterocanon

² God hemi siusim hem fo disfala waka, an hemi barava falom toktok blong God, olsem Mosis tu hemi falom toktok blong God an hemi lukaftarem disfala haos blong God.

Pijin Bible

² God hemi siusim hem fo disfala waka, an hemi barava falom toktok blong God, olsem Mosis tu hemi falom toktok blong God an hemi lukaftarem disfala haos blong God.

Hibrus 3:2 ပူးပေါင်းရင်းမြစ်များ

Eksodas 40:16

An Mosis hemi duim evrisamting ya barava olsem wea Yawe bin talem hem.

Nambas 12:7

Bat hemi no olsem long Mosis hu hemi spesol wakaman blong mi. Hem nomoa hemi lida long pipol blong mi.

Gudnius abaotem Jisas Kraes wea Jon hemi raetem 15:10

Sapos yufala obeim olketa lo blong mi bae mi lavem yufala olowe, olsem mi obeim olketa lo blong Dadi blong mi an hemi lavem mi olowe tu.

Gudnius abaotem Jisas Kraes wea Jon hemi raetem 17:4

Mi somaot saen blong bikfala paoa blong yu finis nao long disfala wol. Mi duim diswan taem mi finisim nao long waka wea yu givim kam long han blong mi.

Gudnius abaotem Jisas Kraes wea Jon hemi raetem 7:18

Sapos man hemi talemaot tingting blong hem seleva nomoa, hemi duim diswan fo mekem hem seleva nomoa fo kamap hae ya. Bat man hu hemi wande fo mekhae long man hu hemi sendem hem kam, hem nao hemi talem tru samting olowe an hemi nating save laea.

Gudnius abaotem Jisas Kraes wea Jon hemi raetem 8:29

An hem nao hemi sendem mi kam, an hemi stap wetem mi. Hemi no save lusim mi, bikos mi duim olowe evrisamting wea hemi laekem mi fo duim.”

Efesas 2:22

Bikos yufala stap joen wetem Kraes, long paoa blong Holi Spirit, God hemi mekem yufala tu fo joen tugeta wetem olketa pipol blong God long disfala haos blong hem.

Diutronomi 4:5

“Mi tisim yufala finis long olketa lo an rul barava olsem wea Yawe, God blong mi, hemi talem long mi. Mi duim olsem mekem yufala falom olketa lo ya taem yufala stap long lan wea bae yufala tekova long hem.

1 Timoti 1:12

Mi tengkiu long Jisas Kraes Masta blong yumi hu hemi givim strong long mi, bikos hemi save dat mi fit fo waka fo hem an hemi bin siusim mi fo disfala waka.

1 Timoti 3:15

Bat sapos mi no kam kuiktaem, bae yu save ridim disfala leta ya abaotem gudfala wei blong olketa pipol long famili blong God. Hem ya nao sios blong God hu i laef oltaem. An sios ya nao hemi barava holemstrong tru toktok ya, mekem no eniwan save spoelem.

Hibrus 2:17

Dastawe nao hemi fitim fo hemi stap barava man olsem olketa brata blong hem long wol ya. Bikos long wei ya nao, hemi save sore an kaen long olketa an hemi save stap tru olsem Haeprist an duim waka blong God, wea hem nao hemi tekemaot olketa sin blong olketa pipol.

1 Samuel 12:6

Samuel hemi tok moa olsem, “Yawe nomoa hemi siusim Mosis an Eron fo lidimaot olketa olo blong yumi bifoa from Ijip.