Hibrus 2:15 - Pijin Deuterocanon

¹⁵ Hemi mekem fri olketa pipol hu i no save stap fri long laef blong olketa bifoa, bikos olketa fraet fo dae.

Pijin Bible

¹⁵ Hemi mekem fri olketa pipol hu i no save stap fri long laef blong olketa bifoa, bikos olketa fraet fo dae.

Hibrus 2:15 ပူးပေါင်းရင်းမြစ်များ

Stori abaotem Job 18:11

Evrisamting fo mekem hem fraet hemi stap raonem hem finis. Olketa samting ya i falom hem long evri ples wea hemi go long hem.

Stori abaotem Job 18:14

Disfala sik hemi tekem hem aot from haostent blong hem. An hemi fosim hem fo go long sif blong olketa man hu i dae.

Stori abaotem Job 24:17

Olketa ya fraetem moning bikos hemi olsem dae long olketa. Bat olketa frengud wetem olketa samting long tudak wea i mekem man fo fraet.

Sams 33:19

Taem hadtaem blong hanggre hemi kam, Yawe hemi gohed fo lukaftarem olketa mekem olketa laef. Hemi gohed fo sevem olketa tu from dae.

Sams 55:4

Mi barava fraet fogud, an mi barava seksek fogud tu bikos mi fraet tumas, nogud mi dae.

Sams 56:13

bikos yu nao yu sevem mi from dae, an yu no letem mi lus. So bae mi gohed fo wakabaot wetem yu, ya, bae mi wakabaot long laet wea hemi saen long olketa hu i garem laef. (Singsing blong Deved. Hemi wakem bihaen long taem wea hemi ranawe long Sol, an hemi go haed long kev.)

Sams 73:19

Bae yu spoelem olketa kuiktaem nomoa, an bae dae blong olketa hemi nogud tumas.

Sams 89:48

?Hu nao hemi no save dae? No eniwan nao hemi save ranawe from dae.

Leta wea Pol hemi raetem go long sios long Rom 8:15

An Holi Spirit wea God hemi givim finis long yufala, hemi no save bosim yufala an mekem yufala fraet. Bat hemi mekem yufala fo kamap pikinini blong God. An long paoa blong Holi Spirit yumi save kolem God olsem, “Aba, Dadi.”

Leta wea Pol hemi raetem go long sios long Rom 8:21

long wanfala taem bihaen, bae hemi mekem evrisamting long disfala wol fo stap fri from paoa wea hemi gohed fo spoelem evrisamting ya. An bae evrisamting ya i kasem nambawan laef long heven, olsem yumi olketa pikinini blong God bae kasem.

2 Korin 1:10

God hemi bin sevem mifala taem mifala kolsap dae, an bae hemi sevem mifala moa bihaen. Mifala biliv strong dat bae hemi gohed fo sevem mifala moa,

Galesia 4:21

?Waswe long yufala hu i laek fo stap falom Lo, yufala no save long wanem nao Lo hemi barava talem?

2 Timoti 1:7

Spirit wea God hemi givim kam long yumi, hemi no mekem yumi fraet, bat hemi mekem yumi strong an hemi mekem yumi lavem olketa pipol an hemi mekem yumi save kontrolem laef blong yumi seleva.

Hibrus 2:16

Hemi barava klia nomoa dat hemi no kam fo helpem olketa enjel ya, bat hemi kam fo helpem olketa pipol long laen blong Ebraham.