Hibrus 13:24 - Pijin Deuterocanon

²⁴ Yufala mas sei halo long evri lida long sios wetem olketa evri pipol blong God. Olketa Kristin hu i stap kam long Itali, olketa sei halo long yufala tu.

Pijin Bible

²⁴ Yufala mas sei halo long evri lida long sios wetem olketa evri pipol blong God. Olketa Kristin hu i stap kam long Itali, olketa sei halo long yufala tu.

Hibrus 13:24 ပူးပေါင်းရင်းမြစ်များ

Aposol 18:2

An long taon ya hemi mitim wanfala man blong Jiu hu nem blong hem Akuila, hu hemi bon kam long provins long Pontas. Akuila an waef blong hem Prisila tufala bin stap long Itali, bat Klodias disfala bikfala King long Rom ya, hemi bin raosim olketa Jiu fo go from biktaon long Rom. So tufala jes kam fo stap long Korin nao, taem Pol hemi kam lukim tufala.

Aposol 27:1

Taem olketa talemaot finis wea bae mifala mas go long sip fo go long kantri long Itali, olketa givim Pol wetem samfala man moa long prisin, long han blong wanfala bikman blong ami. Hemi soldia blong bikfala King long Rom an nem blong hem Jiulias.

Aposol 9:13

Ananaeas hemi ansarem hem olsem, “Masta, mi bin herem finis plande stori abaotem olketa ravis samting wea disfala man hemi bin duim long olketa pipol blong yu long Jerusalem.

1 Korin 16:16

yufala mas obeim olketa lida olsem olketa. An yufala mas obeim tu olketa hu i helpem olketa lida an duim eni hadwaka olsem.

2 Korin 1:1

Mi Pol, wea God hemi mekem mi kamap aposol blong Jisas Kraes. Mi wetem Kristin brata blong yumi Timoti, mitufala raet go long yufala pipol blong God long Korin an long olketa nara ples long provins long Akaea.

2 Korin 13:13

Evriwan long olketa pipol blong God olketa sei halo go long yufala.

Filipae 1:1

Mi Pol wetem Timoti wea mitufala wakaman blong Jisas Kraes, mitufala raet go long yufala olketa lida an olketa man fo waka long sios long Filipae. Ya, mitufala raet go long yufala evriwan long Filipae wea yufala blong God an yufala stap joen wetem Jisas Kraes.

Filipae 4:22

Olketa Kristin tu long haos blong bikfala King long Rom, an evri pipol blong God long hia, olketa sei halo long yufala.

Kolosi 1:2

mitufala raet go long yufala olketa pipol blong God long Kolosi. Yufala nao olketa Kristin fren blong mifala an yufala gohed fo falom Kraes wea yufala joen wetem hem finis. Mifala prea wea kaenfala lav an piis blong God Dadi blong yumi, bae hemi stap wetem yufala.

Filimon 1:5

Bikos mi herem oltaem wea yu lavem tumas olketa pipol blong God an wea yu biliv strong long Jisas Masta blong yumi.

Hibrus 13:17

Olketa lida blong yufala i lukaftarem laef blong yufala. An bihaen nao, bae olketa mas talem God abaotem wanem olketa bin duim. Dastawe yufala mas obeim olketa an tinghae long olketa, mekem olketa hapi long waka ya. Sapos yufala mekem waka blong olketa fo kamap hevi, bae hemi no save helpem yufala nao ya.

Hibrus 13:7

Yufala tingimbaek olketa lida blong yufala bifoa, hu i talemaot toktok blong God long yufala. Yufala tingting long gudfala wei blong laef blong olketa go-go olketa dae, an yufala mas falom gud disfala wei blong biliv blong olketa.