Habakuk 2:13 - Pijin Deuterocanon

¹³ Olketa pipol blong evri kantri wea yufala winim, i bin wakahad tumas go-go olketa wik fogud, bat olketa nating winim nomoa enisamting fo olketa seleva. Bat evrisamting wea olketa bin bildim, bae hemi barava bone long faea. !Yawe nao hemi mekem disfala samting fo hapen!

Pijin Bible

¹³ Olketa pipol blong evri kantri wea yufala winim, i bin wakahad tumas go-go olketa wik fogud, bat olketa nating winim nomoa enisamting fo olketa seleva. Bat evrisamting wea olketa bin bildim, bae hemi barava bone long faea. !Yawe nao hemi mekem disfala samting fo hapen!

Habakuk 2:13 ပူးပေါင်းရင်းမြစ်များ

2 Samuel 15:31

An taem king hemi herem dat Ahitofel hemi bin joenem olketa hu i gohed fo sapotem Absalom, hemi prea olsem, “!Lod Yawe, plis yu mekem olketa advaes blong Ahitofel i kamap krangge!”

Sams 39:6

Ya, hemi olsem sado nomoa. Evrisamting wea man hemi duim, hemi samting nating nomoa. Hemi gohed fo hipimap olketa gudfala samting, bat hemi no save nomoa hu nao bae hemi tekova long hem.”

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Aesaea 50:11

Bat yufala hu i trae fo mekem laet fo yufala seleva long wei wea yufala planem fo spoelem olketa narafala pipol, bae faea from laet ya nomoa bae hemi spoelem yufala. Bae Yawe nao hemi mekem olketa samting ya fo hapen. An wanfala bikfala trabol nao bae hemi kasem yufala.

Aesaea 55:2

“?Waswe nao yufala gohed nomoa fo spoelem seleni long olketa samting wea yufala nating kaikaim? ?Waswe nao yufala gohed fo wakahad long enikaen samting, bat yufala gohed fo hanggre nomoa? !Yufala evriwan, lisin kam long mi, an yufala mas duim wanem mi talem ya! Sapos yufala duim olsem, bae yufala hapi fogud, olsem taem wea yufala kaikaim olketa nambawan kaikai.

Jeremaea 51:58

Yawe hu hemi garem evri paoa, hemi gohed fo tok olsem, “Bikfala wolston blong taon, wea hemi strongfala tumas, bae mi brekem hem finis, mekem hemi foldaon. An olketa tolfala geit blong hem, bae mi bonem long faea. Olketa pipol blong evri kantri wea yufala winim, i bin wakahad tumas go-go olketa wik fogud, bat olketa no winim nomoa enisamting fo olketa seleva. Bat evrisamting wea olketa bin bildim fo Babilonia, bae hemi barava bone long faea.”

Jeremaea 51:64

Den yu talemaot olsem, ‘Long wei ya nao, bae Babilonia wetem olketa pipol blong hem i singdaon olsem buk ya, an bae i no save kamap moa, bikos bae mi mekem bikfala trabol fo kam kasem olketa.’” Hem nao en long olketa mesij blong Profet Jeremaea.

Malakae 1:4

Sapos olketa blong Idom hu i bon kam bihaen long Iso i tok olsem, ?Nomata olketa taon blong yumi i smas finis long graon, bat yumi save wakembaek moa.? Bat bae Yawe hu hemi garem evri paoa, hemi tok olsem, ?Sapos olketa bildimbaek moa, bae mi spoelem nomoa. An bae pipol i kolem Idom long nem ya ?Ples blong Sin,? an olketa kolem tu olketa blong Idom ?Pipol wea Yawe hemi kros long olketa olowe.?