Galesia 5:4 - Pijin Deuterocanon

⁴ Yufala hu i trae fo falom Lo fo mekem yufala seleva stap stret long ae blong God, yufala mekem yufala seleva fo lusim Kraes finis, an fo lusim kaenfala lav blong God tu.

Pijin Bible

⁴ Yufala hu i trae fo falom Lo fo mekem yufala seleva stap stret long ae blong God, yufala mekem yufala seleva fo lusim Kraes finis, an fo lusim kaenfala lav blong God tu.

Galesia 5:4 ပူးပေါင်းရင်းမြစ်များ

Leta wea Pol hemi raetem go long sios long Rom 11:6

Hemi no siusim olketa from gudfala waka blong olketa, bat from kaenfala lav blong hem seleva nomoa. Bikos sapos hemi siusim olketa from gudfala waka blong olketa, bae kaenfala lav blong God hemi no truwan ya.

Leta wea Pol hemi raetem go long sios long Rom 3:20

No eniwan save stret long ae blong God from hemi falom Lo nomoa. Bikos Lo ya, hemi mekem yumi luksave nomoa long sin blong yumi.

Galesia 2:21

Mi no save agensim kaenfala lav blong God ya. !Sapos Lo hemi barava save mekem man fo kamap stret long ae blong God, dae blong Kraes hemi olsem samting nating nomoa!

Galesia 5:2

!Lisin kam gudfala! Mi Pol, mi talem stret long yufala, sapos yufala letem yufala seleva fo falom disfala Lo fo kate, bae Kraes hemi no save helpem yufala nao ya.

Hibrus 12:15

Yufala mas lukaot gud, mekem no eniwan long yufala hemi tanem baeksaet blong hem long kaenfala lav blong God ya. Nogud eniwan long yufala hemi kamap olsem wanfala poesen tri wea hemi save mekem plande pipol fo nogud.

Hibrus 4:1

Nao disfala promis blong God fo yumi save go an res wetem hem, hemi stap yet. So, yumi mas lukaot, nogud samfala long yufala i no go kasem disfala ples fo res ya.

Revelesin 2:5

Yufala mas tingimbaek gudfala wei wea yufala bin stap long hem fastaem. Nao yufala mas lusim olketa ravis wei blong yufala, an yufala mas gohed moa fo duim wanem yufala bin duim kam fastaem. Bat sapos yufala no lusim olketa ravis wei blong yufala, bae mi kam an tekemaot disfala bikfala lam blong yufala.