Galesia 5:25 - Pijin Deuterocanon

²⁵ Holi Spirit hemi givim laef long yumi. So yumi mas gohed fo falom wei blong Holi Spirit tu.

Pijin Bible

²⁵ Holi Spirit hemi givim laef long yumi. So yumi mas gohed fo falom wei blong Holi Spirit tu.

Galesia 5:25 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 6:63

Holi Spirit nomoa hemi givim laef, bat man seleva hemi no save duim diswan. An toktok blong mi, hem nao hemi mekem yufala garem Holi Spirit hu hemi givim laef.

Leta wea Pol hemi raetem go long sios long Rom 8:10

Bodi blong yufala bae hemi dae bikos yufala bin sin. Bat bikos Kraes nao hemi stap insaet long yufala, Holi Spirit hemi mekem yufala laef, wea yufala stret long ae blong God finis.

Leta wea Pol hemi raetem go long sios long Rom 8:2

Bikos gudfala wei blong Holi Spirit hemi givim yumi tru laef bikos yumi joen wetem Jisas Kraes, an hemi sevem yumi from wei blong sin wea hemi kilim yumi dae.

1 Korin 15:45

Nao Buktambu hemi sei, “Disfala fas man Adam ya, God hemi mekem hem fo stap laef,” bat disfala las Adam ya, hemi Spirit wea hemi save givim laef.

2 Korin 3:6

Hem nao hemi mekem mifala fit fo waka andanit long disfala niu spesol agrimen. An spesol agrimen ya, hemi no samting blong Lo wea olketa bin raetemdaon, bat hemi blong Holi Spirit. Bikos disfala Lo hemi mekem pipol dae, bat Holi Spirit hemi givim laef.

Galesia 5:16

Mi talem yufala olsem, yufala mas letem Holi Spirit fo lidim laef blong yufala, mekem yufala no falom disfala wei blong man fo sin.

Filipae 3:3

Bat yufala save dat yumi nao yumi falom wei blong barava kate. Yumi wea Spirit blong God hemi helpem yumi fo wosipim hem, an yumi praod fo stap joen wetem Jisas Kraes, yumi nating trastem enisamting olsem kate wea man save duim long bodi.

1 Pita 4:6

Dastawe nao olketa hu i dae finis, olketa tu i bin herem disfala Gudnius. Taem olketa laef yet, olketa garem panis wea hemi mekem olketa dae olsem evri pipol save duim. Bat long distaem wea olketa dae finis, olketa save garem laef long heven olsem God seleva.

Revelesin 11:11

Bat bihaen long tri an haf de ya, God hemi mekem win blong laef fo go insaet long tufala moa. An taem olketa pipol lukim tufala wakabaot moa, olketa barava fraet fogud nao.