Galesia 5:11 - Pijin Deuterocanon

¹¹ ?Nao olketa fren, sapos hemi tru wea mi gohed yet fo tokstrong long olketa man fo falom disfala Lo fo kate, waswe nao olketa gohed fo mekful long mi? An sapos olsem, bae olketa Jiu i no save kros long mi taem mi tokabaotem dae blong Kraes long kros nao ya.

Pijin Bible

¹¹ ?Nao olketa fren, sapos hemi tru wea mi gohed yet fo tokstrong long olketa man fo falom disfala Lo fo kate, waswe nao olketa gohed fo mekful long mi? An sapos olsem, bae olketa Jiu i no save kros long mi taem mi tokabaotem dae blong Kraes long kros nao ya.

Galesia 5:11 ပူးပေါင်းရင်းမြစ်များ

Aesaea 8:14

Bae mi nao mi olsem wanfala sefples fo yufala. Bat bae mi kamap olsem wanfala bikfala ston wea tufala laen ya blong Israel i save bangam lek blong olketa long hem an foldaon. Bae mi olsem tu wanfala trap fo kasholem olketa, an plande pipol long Jerusalem nao bae i foldaon long hem.

Aposol 16:3

an Pol hemi wande fo tekem Timoti go wetem hem. Nao olketa Jiu long disfala eria, olketa save finis wea dadi blong Timoti hemi man blong Grik, so Pol hemi mekem Timoti fo kate nao.

Aposol 21:21

An olketa herem nius wea hemi sei yu bin gohed fo tisim olketa Jiu hu i stap long olketa nara kantri, wea olketa mas no mekem olketa boe fo kate an olketa mas no falom olketa kastom blong yumi. Ya, olketa bin herem dat yu talem olketa fo lusim Lo blong Mosis.

Aposol 21:28

Olketa singaot bikfala olsem, “!Olketa man blong Israel, yufala helpem mifala! Disfala man ya hemi save tisim olketa pipol long evri ples fo agensim pipol blong yumi an agensim Lo blong Mosis an agensim moa disfala Tambuhaos ya. !An distaem hemi tekem kam samfala pipol hu i no Jiu tu fo kam insaet long Tambuhaos an mekem disfala tambuples fo no klin nao!”

1 Korin 1:18

Disfala toktok abaotem dae blong Kraes long kros, hemi olsem toktok krangge long olketa hu i go-gohed fo lus from God. Bat yumi hu God hemi se-sevem yumi, yumi save dat disfala toktok nao hemi paoa blong God fo sevem yumi.

1 Korin 1:23

Bat yumi, yumi tokabaotem Kraes hu olketa bin kilim hem dae long kros. Olketa pipol blong Jiu olketa nating laekem disfala toktok, an olketa pipol hu i no Jiu olketa tingse hemi krangge toktok nomoa.

1 Korin 15:30

?An sapos olsem, waswe nao mifala stap redi oltaem fo olketa meksave long mifala?

Galesia 2:3

An Taetas hu hemi stap wetem mi, hemi man blong Grik ya. Bat olketa lida long sios ya, olketa no fosim hem fo kate nomoa.

Galesia 3:1

!Yufala krangge pipol long Galesia! Yufala i bin heremsave finis disfala toktok abaotem hao Jisas Kraes hemi dae antap long kros ya. ?So hu nao hemi poesenem tingting blong yufala distaem?

Galesia 4:29

Long taem ya, disfala pikinini hu hemi bon kam olsem evri pikinini nomoa, hem nao hemi tokspoelem Aesak hu hemi bon kam falom paoa blong Spirit blong God. An distaem ya, semsamting hemi gohed nomoa.

Galesia 6:12

Olketa man hu i laek fo lukgud long ae blong olketa pipol nomoa, olketa nao i traehad fo fosim yufala fo kate. Olketa duim diswan nomoa, mekem olketa pipol i no mekful long olketa bikos olketa biliv long kros blong Kraes.

Galesia 6:17

Nao no eniwan hemi mas mekem enikaen trabol long mi moa, bikos long bodi blong mi, mi garem olketa mak finis from wei wea olketa bin mekful long mi bikos mi waka fo Jisas.