Galesia 2:5 - Pijin Deuterocanon

⁵ Bat mifala no falom tising blong olketa lelebet nao. Bikos mifala laekem disfala tru toktok blong Gudnius nomoa bae hemi gohed fo stap long yufala oltaem.

Pijin Bible

⁵ Bat mifala no falom tising blong olketa lelebet nao. Bikos mifala laekem disfala tru toktok blong Gudnius nomoa bae hemi gohed fo stap long yufala oltaem.

Galesia 2:5 ပူးပေါင်းရင်းမြစ်များ

Nehemaea 6:4

Fofala taem nao tufala sendem kam sem toktok ya long mi, bat evri taem, mi gohed fo sendem sem ansa nomoa gobaek long tufala.

Aposol 15:2

Pol an Banabas tufala barava nating agri wetem olketa, an tufala gohed fo tokstrong wetem olketa man ya nao. So olketa long sios long Antiok i siusim Pol an Banabas wetem samfala man moa, fo olketa go kasem Jerusalem an askem olketa aposol an olketa nara lida long sios abaotem diswan.

Galesia 1:6

Mi sapraes tumas nao long wei wea yufala kuiktaem nomoa fo lusim God hu hemi kolem yufala long kaenfala lav blong Kraes. An distaem yufala tane go fo falom deferen kaen tising moa wea olketa kolem “gudnius”.

Galesia 2:14

Bat taem mi lukim dat olketa no stret long saet blong tru toktok blong Gudnius, mi tok long Pita long ae blong evriwan olsem, “Yu wanfala man blong Jiu, bat yu bin falom wei blong man hu i no Jiu, an yu no stap olsem Jiu nomoa. ?So hao nao yu save fosim olketa hu i no Jiu fo falom olketa wei blong Jiu?”

Galesia 4:16

?Waswe, yufala kamap enemi blong mi nao bikos mi talem tru samting long yufala?

Efesas 1:13

An yufala tu, yufala kamap pipol blong God taem yufala herem disfala tru toktok wea hem nao disfala Gudnius wea hemi sevem yufala. Yufala bin biliv long Kraes ya, an fo somaot dat hemi onam yufala, God hemi givim yufala disfala Holi Spirit wea hemi bin promisim.

Kolosi 1:5

Yufala gohed long wei olsem ya, bikos yufala barava biliv long disfala samting wea God hemi putum redi finis fo yufala long heven ya. Samting ya, yufala bin herem abaotem bifoa long taem tru toktok blong Gudnius hemi kasem yufala.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

Jiud 1:3

Olketa gudfala Kristin fren, fastaem mi laekem tumas fo raetem wanfala leta go long yufala fo tokabaotem wei wea God hemi sevem yumi evriwan long hem. Bat distaem, mi barava tingim mi mas raetem leta ya fo talem strong long yufala, wea yufala mas faet strong fo holem disfala tru biliv wea God hemi bin givim kam long olketa pipol blong hem, an biliv ya hemi no save sens enitaem.