Galesia 2:14 - Pijin Deuterocanon

¹⁴ Bat taem mi lukim dat olketa no stret long saet blong tru toktok blong Gudnius, mi tok long Pita long ae blong evriwan olsem, “Yu wanfala man blong Jiu, bat yu bin falom wei blong man hu i no Jiu, an yu no stap olsem Jiu nomoa. ?So hao nao yu save fosim olketa hu i no Jiu fo falom olketa wei blong Jiu?”

Pijin Bible

¹⁴ Bat taem mi lukim dat olketa no stret long saet blong tru toktok blong Gudnius, mi tok long Pita long ae blong evriwan olsem, “Yu wanfala man blong Jiu, bat yu bin falom wei blong man hu i no Jiu, an yu no stap olsem Jiu nomoa. ?So hao nao yu save fosim olketa hu i no Jiu fo falom olketa wei blong Jiu?”

Galesia 2:14 ပူးပေါင်းရင်းမြစ်များ

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Sams 15:2

Man hu hemi fitim fo duim diswan, hem nao man wea hemi gohed fo obeim yu long evrisamting, an hemi gohed olowe fo duim olketa samting wea hemi stret long ae blong yu. Olketa toktok blong hem hemi tru an hemi stret,

Sams 58:1

?Olketa bikman, waswe, hemi tru wea yufala jajem pipol long gudfala wei ya? ?Waswe, hemi tru wea yufala jajem evriwan long stretfala wei tu?

Sams 84:11

Lod Yawe, yu nao yu God, an yu nao yu gadem mifala an mekem mifala fo stap sef long yu. Ya, yu nao yu kaen long mifala, an yu givim biknem long mifala. Lod Yawe, oltaem yu givim nomoa olketa gudfala samting long olketa hu i duim wanem hemi stret.

Provebs 10:9

Stretfala pipol stapgud an sef, trabol kasem olketa laea.

Provebs 2:7

Hemi helpem stret pipol fo kamap waes, an hemi gadem pipol hu falom wanem hemi tru.

Levitikas 19:17

“Yufala mas no gohed fo barava heitem wantok blong yufala, bat taem yufala lukim wantok ya hemi duim wanem hemi rong, yufala mas go talemaot disfala rong long hem. Long disfala wei bae yufala no mekem sin from datfala man.

Aposol 10:28

an hemi tok olsem long olketa, “Yufala save finis wea hemi agensim lo blong mifala olketa Jiu, fo mifala visitim o frengud wetem eniwan hu hemi no blong Jiu ya. Bat God hemi som mi finis wea mi mas no talem eniwan hemi no klin an hemi no fit fo frengud wetem.

Aposol 15:1

Samfala man blong Jiudia olketa kam kasem Antiok, an olketa stat fo tisim olketa Kristin an sei, “Sapos yufala no kate olsem Lo blong Mosis hemi talem yumi mas duim, bae God hemi nating save sevem yufala ya.”

Aposol 15:24

Mifala bin herem finis wea samfala long seksin blong mifala, olketa bin kasem yufala an mekem trabol an mekem tingting blong yufala barava filnogud tumas long wanem olketa talem. Bat mifala no bin talem olketa fo duim olsem.

Aposol 15:5

Bat samfala long olketa Farasi hu i kamap Kristin, olketa stanap nomoa an olketa sei, “Olketa hu i no Jiu ya, yufala mas mekem olketa fo kate an yufala mas tisim olketa fo obeim Lo blong Mosis.”

Leta wea Pol hemi raetem go long sios long Rom 14:14

From mi joen wetem Masta blong yumi Jisas, mi barava save dat no eni kaikai hemi nogud. Bat sapos eniwan hemi tingse samfala kaen kaikai hemi save mekem hem fo no klin, hemi mas no kaikaim samting ya.

Galesia 1:18

Bihaen trifala yia i go finis, mi go long Jerusalem fo lukim Pita an mi stap wetem hem fo fiftin de nomoa.

Galesia 1:6

Mi sapraes tumas nao long wei wea yufala kuiktaem nomoa fo lusim God hu hemi kolem yufala long kaenfala lav blong Kraes. An distaem yufala tane go fo falom deferen kaen tising moa wea olketa kolem “gudnius”.

Galesia 2:3

An Taetas hu hemi stap wetem mi, hemi man blong Grik ya. Bat olketa lida long sios ya, olketa no fosim hem fo kate nomoa.

Galesia 2:5

Bat mifala no falom tising blong olketa lelebet nao. Bikos mifala laekem disfala tru toktok blong Gudnius nomoa bae hemi gohed fo stap long yufala oltaem.

Galesia 2:7

Nomoa nao. Olketa luksave nao dat God hemi givim mi waka fo talemaot Gudnius long olketa pipol hu i no Jiu, long sem wei wea hemi givim waka long Pita fo talemaot Gudnius long olketa Jiu.

Galesia 2:9

An taem olketa luksave dat God hemi givim kam disfala waka fo mi, Jemes an Pita an Jon hu olketa olsem bikfala lida, olketa sekhan wetem mitufala Banabas fo somaot dat olketa hapi fo waka tugeta wetem mitufala. Mifala agri wea waka blong mitufala Banabas hemi fo go long olketa pipol hu i no Jiu, an waka blong olketa hemi fo go long olketa Jiu.

Galesia 6:12

Olketa man hu i laek fo lukgud long ae blong olketa pipol nomoa, olketa nao i traehad fo fosim yufala fo kate. Olketa duim diswan nomoa, mekem olketa pipol i no mekful long olketa bikos olketa biliv long kros blong Kraes.

Kolosi 1:5

Yufala gohed long wei olsem ya, bikos yufala barava biliv long disfala samting wea God hemi putum redi finis fo yufala long heven ya. Samting ya, yufala bin herem abaotem bifoa long taem tru toktok blong Gudnius hemi kasem yufala.

1 Timoti 5:20

Bat sapos wanfala lida hemi duim samting rong, yu mas tokhad long hem taem olketa Kristin pipol i hipap tugeta, mekem olketa nara pipol tu save fraet fo duim semsamting.

Hibrus 12:13

An yufala mas gohed fo wakabaot long wei wea hemi stret gudfala, mekem olketa hu i wik no kamap nogud moa, bat bae olketa save gudbaek moa.

Hibrus 9:10

Bikos olketa samting ya hemi blong aotsaet blong man nomoa, olsem olketa rul abaotem kaikai an dring an wei fo wasim olketa seleva. God hemi givim kam olketa rul ya, mekem olketa stap kasem taem wea God bae hemi sensim evrisamting fo stap long niufala wei moa.