Galesia 1:23 - Pijin Deuterocanon

²³ Olketa herem nomoa nius abaotem mi olsem, “Man hu hemi mekful long yumi bifoa ya, distaem hemi gohed fo talemaot disfala biliv wea hemi traehad fo spoelem fastaem ya.”

Pijin Bible

²³ Olketa herem nomoa nius abaotem mi olsem, “Man hu hemi mekful long yumi bifoa ya, distaem hemi gohed fo talemaot disfala biliv wea hemi traehad fo spoelem fastaem ya.”

Galesia 1:23 ပူးပေါင်းရင်းမြစ်များ

Aposol 19:13

Nao samfala man blong Jiu olketa save go-goraon fo raosim olketa nogud devol fo goaot from olketa pipol. An samfala blong olketa i save yusim nem blong Jisas Masta blong yumi, fo duim diswan. Olketa save tok olsem, “Long nem blong disfala Jisas wea Pol hemi talemaot, mi talem yu fo kamaot.”

Aposol 6:7

Toktok blong God hemi go-gohed fo go kasem plande ples tumas nao. An olketa disaepol long Jerusalem olketa go-gohed fo kamap plande tumas moa. An plande long olketa prist tu olketa stat fo biliv long Jisas.

Aposol 9:13

Ananaeas hemi ansarem hem olsem, “Masta, mi bin herem finis plande stori abaotem olketa ravis samting wea disfala man hemi bin duim long olketa pipol blong yu long Jerusalem.

Aposol 9:20

Hemi go stret nomoa insaet long olketa preahaos blong olketa Jiu, an hemi talemaot dat Jisas nao hemi barava San Blong God.

Aposol 9:21

Evriwan hu i herem toktok blong hem olketa sapraes tumas, an olketa sei, “!Hem nao disfala man wea hemi bin kilim dae olketa pipol hu i prea long disfala Jisas ya! Hemi mekem olsem finis long Jerusalem, an distaem hemi kam long hia tu fo kasholem olketa an tekem olketa go long olketa hedprist ya. ?So hao nao ya?”

Aposol 9:26

Taem Sol hemi kasem Jerusalem moa, hemi traehad fo joen wetem olketa disaepol blong Jisas, bat olketa barava fraetem hem an olketa nating biliv wea hemi wanfala disaepol.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.