Galesia 1:13 - Pijin Deuterocanon

¹³ Yufala herem finis nao wanem mi bin gohed fo duim taem mi stap yet long wei blong olketa Jiu. Mi wakahad tumas fo mekful long olketa long sios blong God, an mi trae fo barava spoelem sios nao.

Pijin Bible

¹³ Yufala herem finis nao wanem mi bin gohed fo duim taem mi stap yet long wei blong olketa Jiu. Mi wakahad tumas fo mekful long olketa long sios blong God, an mi trae fo barava spoelem sios nao.

Galesia 1:13 ပူးပေါင်းရင်းမြစ်များ

Aposol 8:1

An Sol hemi tingse hemi gud nomoa wea olketa kilim dae Stivin. Stat long sem de wea Stivin hemi dae, olketa bikman i stat fo meksave tumas long olketa long sios long Jerusalem. An evriwan olketa ranawe go long olketa ples long Jiudia an Samaria. Olketa aposol nomoa olketa stapbaek long Jerusalem.

Aposol 8:3

Bat Sol, hemi traehad fo finisim sios nao. Hemi go-goraon long olketa haos fo kasholem olketa man an olketa woman hu i biliv. An hemi putum olketa go insaet long prisin nao.

Aposol 9:21

Evriwan hu i herem toktok blong hem olketa sapraes tumas, an olketa sei, “!Hem nao disfala man wea hemi bin kilim dae olketa pipol hu i prea long disfala Jisas ya! Hemi mekem olsem finis long Jerusalem, an distaem hemi kam long hia tu fo kasholem olketa an tekem olketa go long olketa hedprist ya. ?So hao nao ya?”

Aposol 9:26

Taem Sol hemi kasem Jerusalem moa, hemi traehad fo joen wetem olketa disaepol blong Jisas, bat olketa barava fraetem hem an olketa nating biliv wea hemi wanfala disaepol.

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

1 Korin 15:9

Bikos mi nao mi lou tumas nomoa long olketa nara aposol, an mi no fit fo olketa kolem mi aposol, bikos mi bin meksave long olketa long sios blong God.

Filipae 3:6

Mi barava strong tumas long waka blong God, so mi mekem olketa Kristin fo safa. An long wei fo kamap stret falom Lo, mi no garem enisamting rong long laef blong mi.

1 Timoti 1:13

Hemi tru, long bifoa nao mi save tokspoelem hem an mi mekful tumas long olketa Kristin. Bat nomata olsem, hemi sore long mi wea mi nating save nomoa long wanem mi duim bikos mi no biliv yet long taem ya.

1 Timoti 1:14

An Jisas Kraes Masta blong yumi hemi barava somaot kaenfala lav long mi, an hemi givim mi disfala biliv an disfala lav fo olketa pipol.