Filipae 4:12 - Pijin Deuterocanon

¹² Mi save finis long wei fo stap pua an long wei fo stap ris. Mi save hao fo stap hapi evritaem nomoa, nomata mi hanggre o mi fulap tumas, nomata mi sot long evrisamting o mi garem plande samting.

Pijin Bible

¹² Mi save finis long wei fo stap pua an long wei fo stap ris. Mi save hao fo stap hapi evritaem nomoa, nomata mi hanggre o mi fulap tumas, nomata mi sot long evrisamting o mi garem plande samting.

Filipae 4:12 ပူးပေါင်းရင်းမြစ်များ

Nehemaea 9:20

Spirit blong yu hemi gud tumas, an yu sendem hem fo tisim olketa. Yu givim mana long olketa fo kaikai, an yu givim wata long olketa fo dring.

Aesaea 8:11

(Profet) Yawe hemi tasim mi long paoa blong hem, an hemi wonem mi fo no falom ravis wei blong olketa pipol blong Jiuda. Dastawe nao hemi tok olsem long mi,

Jeremaea 31:19

Bifoa kam, mi les long yu, bat mi sore nao an mi sensim tingting blong mi. Taem mi savegud long sin blong mi, mi bitim sest blong mi fo somaot dat mi sore tumas. Mi sem fogud from olketa sin blong mi taem mi yangfala yet.’

Matiu 11:29

Yufala kam fo falom tising blong mi an letem mi lanem yufala, bikos mi ya, mi no save raf an mi no haemapem mi seleva. An bae yufala save faendem ples fo res long laef blong yufala ya.

Matiu 13:52

So Jisas hemi sei moa, “Evri tisa blong Lo hu hemi falom niufala tising abaotem kingdom long Heven, hemi olsem wanfala bos blong haos hu hemi save tekemaot kam olketa gudfala samting long haos blong hem, wea samfala samting i niuwan an samfala samting i olwan.”

2 Korin 10:1

Samfala man sei mi hambol tumas taem mi stap wetem yufala an mi save raf nomoa taem mi stap farawe from yufala. Nao Kraes hemi kaen an hemi no raf,

2 Korin 10:10

Maet wanfala man hemi sei, “Pol ya, olketa leta blong hem olketa garem strongfala toktok tumas ya. Bat taem hemi stap wetem yumi, hemi barava wik nomoa an olketa toktok blong hem samting nating nomoa.”

2 Korin 11:27

Mi bin wakahad tumas an mi no garem taem fo slip. Plande taem mi nating garem eni kaikai an dring o mi no garem inaf taem fo kaikai, an plande taem mi kol tumas an sot long kaleko.

2 Korin 11:7

Mi no bin askem enisamting long yufala taem mi talemaot Gudnius blong God long yufala. Mi stap hambol nomoa, mekem yufala kamap nambawan pipol. ?Waswe, yufala tingse mi duim rong samting?

2 Korin 11:9

An long taem mi stap wetem yufala an mi sot long enisamting, mi no askem enisamting long yufala. Olketa brata wea olketa stap kam long Masedonia, olketa nao tekem kam evrisamting wea mi sot long hem. So mi no bin mekem yufala wakahad long enisamting nomoa, an bae mi no duim enitaem.

Diutronomi 32:10

Yawe hemi faendem yufala long drae eria wea no eniwan save stap an wea win hemi blou olowe. Hemi gadem yufala, an hemi lukaftarem yufala. Hemi mekem yufala sef, bikos yufala spesol tumas long hem.